ମୁମ୍ବାଇ: ଗତ କିଛି ଦିନ ତଳେ କୋରୋନା ମହାମାରୀରେ ଆକ୍ରାନ୍ତ ହୋଇଛନ୍ତି ବଲିଉଡ଼ ଲୋକପ୍ରିୟ ଅଭିନେତ୍ରୀ କରୀନା କପୁର ଖାନ । ବର୍ତ୍ତମାନ ସେ କ୍ବାରେଣ୍ଟାଇନରେ ରହୁଥିବାବେଳେ ସେ ତାଙ୍କ ସନ୍ତାନଙ୍କୁ ମନେ ପକାଉଥିବା ଜଣାପଡ଼ିଛି । ଏଥିଲାଗି ସେ ସୋସିଆଲ ମିଡ଼ିଆରେ ସେୟାର କରିଛନ୍ତି ଏକ ଇମୋସନାଲ ନୋଟ୍ ।
ଏହି ପୋଷ୍ଟରେ କରୀନା ଲେଖିଛନ୍ତି ଯେ, " କୋଭିଡ଼ ମୁଁ ତୋତେ ଘୃଣା କରୁଛି । ମୁଁ ମୋ ସନ୍ତାନଙ୍କୁ ମିସ୍ କରୁଛି । କିନ୍ତୁ ଜଲ୍ଦି ମୁଁ ସେମାନଙ୍କୁ ଦେଖା କରିବି ।" ଏପରି ଏକ ନୋଟ୍ ସେୟାର କରିଛନ୍ତି କରୀନା । କରୀନା କ୍ବାରେଣ୍ଟାଇନରେ ପରିବାରଠାରୁ ଅଲଗା ରହୁଥିବାରୁ ପଜିଟିଭ ଚିହ୍ନଟ ହେବାର କିଛି ଦିନ ପରେ ସୈଫ ତାଙ୍କୁ ଭେଟିବାକୁ ଆସିଥିଲେ । କରୀନା ବାଲକୋନିରୁ ସୈଫଙ୍କୁ ଭେଟିଥିବା ନିଜ ସୋସିଆଲ ମିଡି଼ଆରେ ସେୟାର କରିଥିଲେ ।
ଏହା ବି ପଢନ୍ତୁ: କରୀନାଙ୍କ ବାସଭବନ ସିଲ୍ କଲା BMC, ଏମିତି ରିଆକ୍ଟ କଲେ ଅଭିନେତ୍ରୀ
ତେବେ ସୂଚନା ଥାଉ କି ବଲିଉଡ଼ ନିର୍ଦ୍ଦେଶକ ତଥା ଫିଲ୍ମ ମେକର କରନ ଜୋହରଙ୍କ ହାଉସ ପାର୍ଟିକୁ ଯାଇଥିଲେ କରୀନା । ସେଠାରେ ଅନ୍ୟମାନଙ୍କ ମଧ୍ୟରେ ଅମୃତା ଅରୋରା, ସୀମା ଖାନ ଓ ମହୀପ କପୁର ମଧ୍ୟ ରହିଥିଲେ । ତେବେ ଏମାନଙ୍କ ରିପୋର୍ଟ ମଧ୍ୟ ପଜିଟିଭ ଆସିଛି । କରୀନା ପଜିଟିଭ ଥିବା ଜାଣିବା ପରେ ତୁରନ୍ତ ନିଜକୁ ଆଇସୋଲେଟ କରିଥିଲେ ।
କରୀନା ପଜିଟିଭ ଥିବା ନେଇ ସୋସିଆଲ ମିଡ଼ିଆରେ ମଧ୍ୟ ଏକ ପୋଷ୍ଟ ସେୟାର କରିଥିଲେ । ଯେଉଁଥିରେ ସେ ଅନ୍ୟମାନଙ୍କୁ ବା ତାଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତି ବିଶେଷଙ୍କୁ କୋରୋନା ପରୀକ୍ଷା କରିବା ପାଇଁ ଦେଇଥିଲେ ପରାମର୍ଶ । କରୀନା ପଜିଟିଭ ଚିହ୍ନଟ ହେବା ପରେ BMC ତାଙ୍କ ବାସଭବନକୁ ମଧ୍ୟ ସିଲ୍ କରିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
