ହାଇଦ୍ରାବାଦ: କିଛି ଦିନ ପୂର୍ବରୁ ବି-ଟାଉନର କୁଇନ କଙ୍ଗନା ରଣୱାତ କହିଥିଲେ କି ସେ ନିଜର ବାୟୋପିକ ଫିଲ୍ମ ପରଦାରେ ଆଣିବାକୁ ଯାଉଛନ୍ତି । ଯାହାକୁ ସେ ନିଜେ ନିର୍ଦ୍ଦେଶିତ କରିବେ । ଏହି କ୍ରମରେ ଏବେ ବଲିଉଡର ବେବୋ କରୀନା କପୁର, କଙ୍ଗନାଙ୍କ ପ୍ରଶଂସା କରି କହିଛନ୍ତି କି ସେ ତାଙ୍କ ବାୟୋପିକ ଦେଖିବାକୁ ଖୁବ୍ ଉତ୍ସାହ ଅଛନ୍ତି ।
ଏକ ସାକ୍ଷାତକାରରେ କରୀନାଙ୍କୁ କଙ୍ଗନାଙ୍କ ଜୀବନ ଉପରେ ତିଆରି ହେବାକୁ ଯାଉଥିବା ବାୟୋପିକକୁ ନେଇ ପ୍ରଶ୍ନ କରାଯାଇଥିଲା । କଙ୍ଗନାଙ୍କ ପ୍ରଶଂସା କରି କରୀନା କହିଥିଲେ କି ସେ ଶୁଣିଛନ୍ତି କଙ୍ଗନାଙ୍କ ବାୟୋପିକ ଆସିବାକୁ ଯାଉଛି । ଏହି ଫିଲ୍ମକୁ ଦେଖିବାକୁ ସେ ଏବେ ଠାରୁ ଉତ୍ସାହିତ ଅଛନ୍ତି ।
ତାଙ୍କୁ ଲାଗୁଛି କି କଙ୍ଗନା ଜଣେ ଶାନଦାର ଅଭିନେତ୍ରୀ । ସେ ତାଙ୍କୁ ବହୁତ ପସନ୍ଦ କରନ୍ତି ଏବଂ ତାଙ୍କର ବହୁତ ବଡ ଫ୍ୟାନ ମଧ୍ୟ । କଙ୍ଗନା ଜଣେ ବିନ୍ଦାସ ଓ ବୃଦ୍ଧିମାନ ମହିଳା ବୋଲି କହିଛନ୍ତି କରୀନା ।
କଙ୍ଗନାଙ୍କ ନିକଟରେ ରିଲିଜ ହୋଇଥିବା ଫିଲ୍ମ 'ମଣିକର୍ଣ୍ଣିକା' ଦେଖିବା ପ୍ରଶ୍ନ ଉପରେ କରୀନା କହିଥିଲେ କି ସମୟ ଅଭାବରୁ ସେ ଏହି ଫିଲ୍ମ ଏଯାବତ ଦେଖିପାରିନାହାଁନ୍ତି । କିନ୍ତୁ ସେ ଖୁବ୍ ଶୀଘ୍ର ଫିଲ୍ମ ଦେଖିବେ ।
