ହାଇଦ୍ରାବାଦ: ବଲିଉଡର ଧଡକ୍ ଗାର୍ଲ ଜାହ୍ନବୀ କପୁର ଖୁବ ଶୀଘ୍ର ଗୁଞ୍ଜନ ସକ୍ସେନାଙ୍କ ବାୟୋପିକରେ ନଜର ଆସିବେ । ଧର୍ମା ପ୍ରଡକ୍ସନରେ ନିର୍ମିତ ଏହି ଫିଲ୍ମର ତିନୋଟି ପୋଷ୍ଟର ରିଲିଜ କରାଯାଇଛି । ପୋଷ୍ଟରରେ ଫିଲ୍ମର ରିଲିଜ ତାରିଖ ମଧ୍ୟ ଘୋଷଣା କରାଯାଇଛି । ନିର୍ମାତା କରନ ଜୋହର ଫଟୋକୁ ସେୟାର କରିଛନ୍ତି ।
ପ୍ରଥମ ଫଟୋରେ ଜାହ୍ନବୀ କାଗଜ ରକେଟ ଉଡାଉଥିବାର ନଜର ଆସିଥିବା ବେଳେ ଦ୍ବିତୀୟ ଫଟୋରେ ପାଇଲଟର ୟୁନଫର୍ମରେ ନଜର ଆସିଛନ୍ତି । ତୃତୀୟ ପୋଷ୍ଟରରେ ଅଭିନେତା ପଙ୍କଜ ତ୍ରିପାଠୀଙ୍କୁ ହଗ୍ କରିଥିବାର ଦେଖିବାକୁ ମିଳିଛି ।
ଫିଲ୍ମରେ ଜାହ୍ନବୀ ଓ ପଙ୍କଜଙ୍କ ସହ ଅଙ୍ଗଦ ବେଦୀ, ଭିନତ କୁମାର, ମାନବ ଭିଜ ନଜର ଆସିବେ । ‘ଗୁଞ୍ଜନ ସକ୍ସେନା ଦି କାରଗିଲ ଗାର୍ଲ’2020 ମାର୍ଚ୍ଚ 13ରେ ପରଦାକୁ ଆସିବ । ଦେଶର ଯୁଦ୍ଧ ବିମାନ ଉଡାଇବାରେ ଗୁଞ୍ଜନ ପ୍ରଥମ ମହିଳା ପାଇଲଟ ଥିଲେ ।
