ମୁମ୍ବାଇ: ବି-ଟାଉନର ଫେମସ ଫିଲ୍ମ ନିର୍ମାତା କରନ ଜୋହର ନିଜ ଫିଲ୍ମ ବ୍ୟତୀତ ବର୍ତ୍ତମାନ ଡିଜିଟାଲ ପ୍ଲାଟଫର୍ମ ନେଟଫ୍ଲିକ୍ସରେ ଛାଇଯାଇଛନ୍ତି । ନିକଟରେ କରନ ନିଜର ହରର ଡ୍ରାମା ସିରିଜ ‘ଘୋଷ୍ଟ ଷ୍ଟୋରିଜ’ ଜରିଆରେ ଦର୍ଶକଙ୍କ ମନ କିଣିଥିଲେ । ‘ଘୋଷ୍ଟ ଷ୍ଟୋରିଜ’ ଚତୁର୍ଥ ସଂସ୍କରଣକୁ କରନ ନିର୍ଦ୍ଦେଶିତ କରିଥିଲେ । ଯେଉଁଥିରେ ମୃଣାଳ ଠାକୁର ଓ ଅଭିନାଶ ତିୱାରୀ ମୁଖ୍ୟ ଭୂମିକାରେ ଅଭିନୟ କରିଥିଲେ । କରନଙ୍କ ବ୍ୟତୀତ ନେଟଫ୍ଲିକ୍ସର ଏହି ‘ହରର ଷ୍ଟୋରିଜ’କୁ ଜୋୟା ଅଖତର, ଦିବାକର ବନାର୍ଜୀ ଓ ଅନୁରାଗ କଶ୍ୟପ ଭଳି ନିର୍ମାତା ନିର୍ଦ୍ଦେଶିତ କରିଥିଲେ ।
- " class="align-text-top noRightClick twitterSection" data="">
‘ଘୋଷ୍ଟ ଷ୍ଟୋରିଜ’ ପରେ କରନ ଆଉ ଏକ ନୂଆ ଶୋ ନେଇ ଫେରିବାକୁ ଯାଉଛନ୍ତି । ଯାହାର ଟାଇଟଲ ‘ହ୍ବାଟ ଦ ଲଭ’ । ଏହି ଶୋରେ କରନ ଲଭ ଗୁରୁ ଭୂମିକାରେ ନଜର ଆସିବେ। ନିକଟରେ ଏହି ଶୋର ଟ୍ରେଲର ରିଲିଜ କରାଯାଇଥିଲା । ଯାହାକୁ ବର୍ତ୍ତମାନ ଖୁବ୍ ପସନ୍ଦ କରୁଛନ୍ତି ଦର୍ଶକ । ଟ୍ରେଲରରେ କରନ କିଛି ଯୁବପିଢିଙ୍କ ଗ୍ରୁମିଂ ଏବଂ ସେଲ୍ଫ ଲଭ ଟିପ୍ସ ଦେଉଥିବାର ଦେଖାଯାଉଛନ୍ତି । ତାଙ୍କ ସହ ବି-ଟାଉନର ଅନେକ ଷ୍ଟାର୍ସ ମଧ୍ୟ ନଜର ଆସୁଛନ୍ତି ।
ଏହି କ୍ରମରେ ଅଭିନେତା ଅଲ୍ଲି ଫଜଲ, ପରିଣୀତି ଚୋପ୍ରା, ସୈଫ ଅଲ୍ଲୀ ଖାନ, ସନ୍ନି ଓ ହୁମା କୁରୈଶୀ ଭଳି କଳାକାର ସାମିଲ ଅଛନ୍ତି । ଏହାପୂର୍ବରୁ କରନ ଇଶ୍କ ଏଫଏମରେ କଲିଂ କରନ ନାମରେ ଏକ ପୋଡକାଷ୍ଟ କରିଥିଲେ । ଏହି ଶୋରେ ମଧ୍ୟ କରନ ଗୁରୁ ଭୂମିକାରେ ଦେଖାଯାଇଥିଲେ ।
