ମୁମ୍ବାଇ: ନିର୍ମାତା କରନ ଜୋହରଙ୍କ ବହୁ ଚର୍ଚ୍ଚିତ ଫିଲ୍ମ 'କଲଙ୍କ'କୁ ନେଇ ଦର୍ଶକଙ୍କ ମଧ୍ୟରେ ଖୁବ୍ କ୍ରେଜ ଦେଖିବାକୁ ମିଳୁଛି । ଫିଲ୍ମକୁ ପରଦାରେ ଦେଖିବାକୁ ଉତ୍ସାହିତ ଅଛନ୍ତି ଦର୍ଶକ । ଖାଲି ଏତିକି ନୁହେଁ ଦର୍ଶକ ଫିଲ୍ମର ଟାଇଟଲ ଟ୍ରାକ ମଧ୍ୟ ଦେଖିବାକୁ ଅପେକ୍ଷା କରିବସିଛନ୍ତି । କିନ୍ତୁ ତାଙ୍କ ପାଇଁ ଏକ ନୈରାଶଜନ ଖବର ସାମ୍ନାକୁ ଆସିଛି । କଥାଟି ହେଲା ଫିଲ୍ମର ଟାଇଟଲ ଟ୍ରାକ ଦେଖିବାକୁ ଦର୍ଶକଙ୍କୁ ଆଉ ଗୋଟିଏ ଦିନ ଅପେକ୍ଷା କରିବାକୁ ପଡିବ ।
କରନ ସୋସିଆଲ ମିଡିଆରେ ଏହାର ସୂଚନା ଦେଇଛନ୍ତି । ଶୁକ୍ରବାର ଏକ ଟ୍ବିଟ କରି ଏହା ବିଷୟରେ କହି ସେ ଫ୍ୟାନ୍ସଙ୍କୁ କ୍ଷମା ମଧ୍ୟ ମାଗିଛନ୍ତି । ସେ କହିଛନ୍ତି କି ସେ ଗୀତର ସବୁଠାରୁ ଶାନଦାର ଭର୍ସନ ଜାରି କରିବାକୁ ଚାହୁଁଛନ୍ତି । ଏହି କାରଣ ପାଇଁ ଗୀତ ରିଲିଜ କରିବାକୁ ତାଙ୍କୁ ଆଉ ଗୋଟିଏ ଦିନ ଲାଗିବ ।
ସେ ଟ୍ବିଟରେ ଲେଖିଛନ୍ତି, "We apologise from the bottom of our hearts! Will have to delay our #KalankTitleTrack by a day...all of us ! Pritam...Amitabh...Arijit and Abhishek want to present the best version of our favourite track in the film...song will be out Tomorrow! A big sorry again from team #kalank."
ଏହା ପୂର୍ବରୁ 'କଲଙ୍କ'ରେ ମୁଖ୍ୟ ଭୂମିକାରେ ନଜର ଆସିବାକୁ ଯାଉଥିବା ବରୁଣ ଧୱନ ନିଜ ଟ୍ବିଟର ଆକାଉଣ୍ଟରେ ଏହି ଗୀତର ଟିଜର ସେୟାର କରିଥିଲେ । ଏହି ସଟ୍ କ୍ଲିପରେ ଗୀତର କମ୍ପୋଜର, ପ୍ରୀତମ, ଗୀତକାର ଅମିତାଭ ଭଟ୍ଟାଚାର୍ଯ୍ୟ ଏବଂ ଗାୟକ ଅରିଜିତ ସିଂହଙ୍କ ନାମ ଦେଖିବାକୁ ମିଳିଥିଲା । ବରୁଣ ଏହାକୁ ପୋଷ୍ଟ କରି କ୍ୟାପସନରେ ଲେଖିଥିଲେ, "ପ୍ରସ୍ତୁତି ହେଲା କଲଙ୍କର ଟାଇଟଲ ଟ୍ରାକର ଏକ ଝଲକ...ଖୁବଶୀଘ୍ର ଆସିବାକୁ ଯାଉଛି ।"
ପ୍ରକାଶ ଥାଉକି ଫିଲ୍ମରେ ବରୁଣଙ୍କ ବ୍ୟତୀତ ଆଲିୟା ଭଟ୍ଟ, ସୋନାକ୍ଷୀ ସିହ୍ନା, ଆଦିତ୍ୟ ରାୟ କପୁର, ମାଧୁରୀ ଦୀକ୍ଷିତ ଓ ସଞ୍ଜୟ ଦତ୍ତ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମଟି ଏପ୍ରିଲ 17ରେ ରିଲିଜ ହେବାକୁ ଯାଉଛି ।
