ମୁମ୍ବାଇ: ଛୋଟ ପରଦାର ଡାନ୍ସ ରିୟାଲିଟି ଶୋ ‘ନଚ ବଲିଏ 9’ରେ ସବୁବେଳେ କିଛି ନା କିଛି ଡ୍ରାମା ଦେଖିବାକୁ ମିଳୁଛି । ଏହି କିଛି ଦିନ ପୂର୍ବରୁ ଏଲିମିନେଟ ହୋଇଥିବା ପ୍ରତିଯୋଗି ବିଶାଲ-ମଧୁରିମାଙ୍କ ଝଗଡା ତ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା । କିନ୍ତୁ ଏଥର ‘ନଚ ବଲିଏ 9’ ସେଟରେ ଯାହା ହୋଇଛି ତାହା ଦେଖି ଖୁସି ହୋଇଯାଇଛନ୍ତି ଉପସ୍ଥିତ ଥିବା ଦର୍ଶକ।
ଆଜ୍ଞା ହଁ, ଏଥର ୱିକେଣ୍ଡରେ ବି-ଟାଉନର ଆକ୍ସନ ଅଭିନେତା, ବିଜେପି ସାଂସଦ ସନ୍ନି ଦେଓଲ ପୁଅ କରଣ ଦେୱଲଙ୍କ ଆଗାମୀ ଫିଲ୍ମ ‘ପଲ୍ ପଲ୍ ଦିଲ କେ ପାସ’ର ପ୍ରମୋଶନ କରିବାକୁ ପୁରା ଷାର-କାଷ୍ଟଙ୍କ ସହ ପହଞ୍ଚିଛନ୍ତି । ଏସପ୍ତାହରେ ନଚ ବଲିଏ ସେଟରେ ଖୁବ୍ ମସ୍ତି ଦେଖିବାକୁ ମିଳିବ।
ଶୋର ଏକ ପ୍ରୋମୋ ଭିଡିଓ ରିଲିଜ ହୋଇଯାଇଛି । ଯେଉଁଥିରେ ସନ୍ନି ଓ ଶୋର ଜଜ ରବୀନା ଟଣ୍ଡନ ଏକାଠି ଡାନ୍ସ କରୁଥିବାର ନଜର ଆସିଛନ୍ତି । ପ୍ରକାଶ ଥାଉକି ଏହି ଯୋଡି ବଲିଉଡରେ ଅନେକ ଫିଲ୍ମରେ ଏକାଠି କାମ କରିସାରିଛନ୍ତି । କିନ୍ତୁ ‘ତେରେ ଚେହରେ ପେ ଅପନୀ ନଜର ଛୋଡ ଜାଉଗାଂ’ ଗୀତରେ ଡାନ୍ସ କରି ଦର୍ଶକଙ୍କ ମନ ଖୁସ କରିଦେଇଛନ୍ତି ।
ଅନ୍ୟପଟେ ପିତାଙ୍କ ଡ୍ୟାନ୍ସ ଦେଖି କରନ ଖୁସି ହେବା ସହ ଭାବୁକ ମଧ୍ୟ ହୋଇଯାଇଥିଲେ । ପରେ ଷ୍ଟେଜକୁ ଯାଇ ପିତାଙ୍କୁ ଆଲିଙ୍ଗନ କରିଥିଲେ । ବର୍ତ୍ତମାନ ଏହି ଭିଡିଓ ଖୁବ୍ ଭାଇରାଲ ହେବାରେ ଲାଗିଛି । ଯାହା ଦର୍ଶକଙ୍କୁ ମଧ୍ୟ ଖୁବ୍ ପସନ୍ଦ ଆସିଛି । ପୁରା ଏପିସୋଡ ଦେଖିବାକୁ ପାଇଁ ୱକେଣ୍ଡକୁ ଆପଣଙ୍କୁ ଅପେକ୍ଷା କରିବାକୁ ପଡିବ ।
