ମୁମ୍ବାଇ: ବି-ଟାଉନର ଅକ୍କି ଅକ୍ଷୟ କୁମାରଙ୍କ ଫିଟନେସ ରାଜ୍ ସମସ୍ତଙ୍କୁ ଜଣା । ସେ ସବୁବେଳେ ଠିକ ସମୟରେ ଶୋଇବା ଏବଂ ସକାଳୁ ଜଲଦି ଉଠିବାକୁ ପରାର୍ମଶ ସମସ୍ତଙ୍କୁ ମଧ୍ୟ ଅନେକ ଥରେ ଦେଇସାରିଛନ୍ତି । ତାଙ୍କ ଏହି ଅଭ୍ୟାସକୁ ଆଧାର କରି ଟେଲିଜଗତର କମେଡି କିଙ୍ଗ କପିଲ ଶର୍ମା ସୋସିଆଲ ମିଡିଆରେ ଏକ ମଜାଦାର ପୋଷ୍ଟ ସେୟାର କରିଛନ୍ତି ।
ଆଜ୍ଞା ହଁ, ସବୁବେଳେ ନିଜ ଜୋକ୍ସରେ ସମସ୍ତଙ୍କୁ ବେଶ ହସାଉଥିବା କପିଲ ଟ୍ବିଟରରେ ଏକ ଟ୍ବିଟ କରି ଲେଖିଛନ୍ତି, ‘ଜଲଦି ଉଠିଲେ ମନ ଖୁସି ରହିଥାଏ, ଆଉ ବହୁତ ଜଲଦି ଉଠିଲେ ଅକ୍ଷୟ କୁମାର । ଅକ୍ଷୟଙ୍କ ସହ ସୁଟିଂ, ଲଭ ୟୁ ପାଜି , ହାଉସଫୁଲ 4, ଦ କପିଲ ଶର୍ମା ଶୋରେ ।’
କଥାଟି ହେଲା କି ଅକ୍ଷୟ ନିଜ ଆଗାମୀ ଫିଲ୍ମ ‘ହାଉସଫୁଲ 4’ର ପ୍ରମୋଶନ କରିବାକୁ କପିଲଙ୍କ ଶୋରେ ପୁରା ଟିମ ସହ ପହଞ୍ଚିଥିଲେ । ଏପିସୋଡର ସୁଟିଂ କରୁଥିବା ସମୟରେ କପିଲ ଏପରି ମଜାଦାର କଥା ଟ୍ବିଟ କରିଥିଲେ ।
ଯଦି ‘ହାଉସଫୁଲ 4’ ଫିଲ୍ମ ବିଷୟରେ କଥା ହେବା ତେବେ ଏହା ଏକ ମଲ୍ଟି ଷ୍ଟାରର କମେଡି ଫିଲ୍ମ । ଏଥିରେ ବିବି ଦେଓଲ, କ୍ରିତି ସାନନ, କ୍ରିତି ଖରବନ୍ଦା, ପୂଜା ହେଗଡେ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମଟି ଏମାସ 26 ଅକ୍ଟୋବରରେ ରିଲିଜ ହେବାକୁ ଯାଉଛି ।
