ମୁମ୍ବାଇ: ଆଜି ରିଲିଜ ହୋଇଯାଇଛି ବି-ଟାଉନ କୁଇନ କଙ୍ଗନା ରଣାୱତଙ୍କ ଚର୍ଚ୍ଚିତ ଫିଲ୍ମ ‘ପଙ୍ଗା’ । ଦୀର୍ଘ ସମୟରୁ ଫିଲ୍ମର ପ୍ରମୋଶନରେ ବ୍ୟସ୍ତ ନଜର ଆସୁଛନ୍ତି ସେ । ନିକଟରେ କଙ୍ଗନା ମ୍ୟାଚର ପ୍ରସାରଣ କରୁଥିବା ଚ୍ୟାନେଲରେ ଫିଲ୍ମର ପ୍ରମୋଶନ କରିବାକୁ ପହଞ୍ଚିଥିଲେ । ସେହି ସମୟରେ ସେ ଭାରତୀୟ କ୍ରିକେଟ ଟିମର କ୍ୟାପ୍ଟେନ ବିରାଟ କୋହଲିଙ୍କ ଖୁବ୍ ପ୍ରଶଂସା କରିଥିଲେ ।
ଖାଲି ଏତିକି ନୁହେଁ ସେ କହିଥିଲେ ବିରାଟ ‘ପଙ୍ଗା କିଙ୍ଗ’ । ବିରାଟ ନିର୍ଭୟ ଆଉ ସବୁ ଚ୍ୟାଲେଞ୍ଜ ପାଇଁ ସର୍ବଦା ପ୍ରସ୍ତୁତ ଥାଆନ୍ତି । ଆଉ ସବୁଠୁ ମୁଖ୍ୟ କଥା ହେଲା ଯେ ଆଜି କଙ୍ଗନାଙ୍କ ଫିଲ୍ମ ‘ପଙ୍ଗା’ ରିଲିଜ ସହ ଭାରତ-ନ୍ୟୁଜଲ୍ୟାଣ୍ଡ ଦିନିକିଆ ମ୍ୟାଚ ମଧ୍ୟ ଆରମ୍ଭ ହୋଇଯାଇଛି ।
ଏହି ଅବସରରେ କଙ୍ଗନା କହିଥିଲେ ଯେ ବିରାଟ ଆଉ ସେ ଗୋଟିଏ ଦିନରେ ପଙ୍ଗା ନେବେ । ସେ ଥିଏଟରରେ, ବିରାଟ ମୈଇଦାନରେ । ପ୍ରକାଶ ଥାଉକି କଙ୍ଗନା ଫିଲ୍ମ ‘ପଙ୍ଗା’ରେ ଜଣେ କବାଡୀ ଖେଳାଳି ଭୂମିକାରେ ଅଭିନୟ କରୁଛନ୍ତି । ଫିଲ୍ମରେ ତାଙ୍କ ସହ ଫେମସ ଅଭିନେତ୍ରୀ ନୀନା ଗୁପ୍ତା ଓ ରିଚା ଚଡ୍ଡା ମୁଖ୍ୟ ଭୂମିକାରେ ଅଭିନୟ କରୁଛନ୍ତି । ‘ପଙ୍ଗା’ ପାଖାପାଖି 1200-1500 ସ୍କ୍ରିନରେ ରିଲିଜ କରାଯାଇଛି ।
