ଚେନ୍ନାଇ: ଆଜି(ଶୁକ୍ରବାର) ଚେନ୍ନାଇର ଶ୍ରୀରାମଚନ୍ଦ୍ର ହସ୍ପିଟାଲରୁ ଡିସ୍ଚାର୍ଜ ହୋଇ ଘରକୁ ଫେରିଛନ୍ତି ଅଭିନେତା କମଲ ହାସନ । ୨୦୧୬ ମସିହାରେ ସେ ତାଙ୍କ ଘରେ ପଡ଼ିଯିବା ପରେ ତାଙ୍କ ଗୋଡ଼ରେ ଆଘାତ ଲାଗିଥିଲା । ଫଳରେ ତାଙ୍କୁ ଏକ ଅସ୍ତ୍ରୋପଚାର କରିବାକୁ ପଡ଼ିଥିଲା । ମାତ୍ର ଗତ ନିର୍ବାଚନ କାଳରେ ସେ ଡାକ୍ତରଙ୍କ ପରାମର୍ଶ ନ ମାନି ପ୍ରଚାରରେ ବ୍ୟସ୍ତ ରହିଥିବାରୁ ପୁଣି ଗୋଡରେ ସମସ୍ୟା ଦେଖାଦେଇଥିଲା ।
ନିକଟରେ ଅଭିନେତା-ରାଜନେତା କମଲ ହାସନ ଗୋଡରେ ଅସ୍ତ୍ରୋପଚାର କରିଥିଲେ । ଏବେ ତାଙ୍କ ସ୍ବାସ୍ଥ୍ୟ ଅବସ୍ଥା ଭଲ ଅଛି ।
ଚେନ୍ନାଇର ଶ୍ରୀ ରାମଚନ୍ଦ୍ର ଡାକ୍ତରଖାନାରେ ହାସନ ଅସ୍ତ୍ରୋପଚାର କରିଥିଲେ । ତାଙ୍କୁ ଚାରି-ପାଞ୍ଚ ଦିନ ମଧ୍ୟରେ ଡାକ୍ତରଖାନାରୁ ଡିସଚାର୍ଜ କରାଯିବ ବୋଲି ତାଙ୍କ ଝିଅ ଶ୍ରୁତି ହାସନ ଏବଂ ଅକ୍ଷରା ହାସନ ଏହି ବିଷୟରେ କହିଥିଲେ ।
ଅସ୍ତ୍ରୋପଚାର ହେବା ସହ ୨ ଦିନ କାଳ ହସ୍ପିଟାଲ୍ରେ ଚିକିତ୍ସିତ ହେବା ପରେ ଶେଷରେ କମଲଙ୍କୁ ଆଜି ହସ୍ପିଟାଲ୍ରୁ ଡିସ୍ଚାର୍ଜ କରାଯାଇଛି ।
