ମୁମ୍ବାଇ: ବର୍ତ୍ତମାନ ବଲିଉଡରେ ଅନେକ ବିଗ ବଜେଟ ଫିଲ୍ମକୁ ନେଇ ଚର୍ଚ୍ଚା । ଆଉ ଏଥିରେ ଟପରେ ଅଛି ସଲମାନ ଖାନଙ୍କ ଚର୍ଚ୍ଚିତ ଫିଲ୍ମ ‘ଦବଙ୍ଗ 3’ । ଟ୍ରେଲର ଆସିବା ପରଠୁ ଫିଲ୍ମକୁ ନେଇ ଏକ୍ସାଇଟେଡ ଦର୍ଶକ । ଧିରେ ଧିରେ ଫିଲ୍ମର ଗୀତ ରିଲିଜ କରି ମେକର୍ସ ଦର୍ଶକଙ୍କ ଏକ୍ସାଇଟମେଣ୍ଟ ଦୁଇଗୁଣା ବଢାଇ ଦେଇଛନ୍ତି । ଗୋଟିଏ ପଟେ ଫିଲ୍ମକୁ ସୁପରହିଟ୍ କରିବା ପାଇଁ ଦିନରାତି ପରିଶ୍ରମ କରୁଛନ୍ତି ସଲମାନ । ଆଉ ଅନ୍ୟପଟେ ଫେମସ ଅଭିନେତା, ପ୍ରଯୋଜକ ଫିଲ୍ମକୁ ସୁପରଫ୍ଲପ ହେବ ବୋଲି ବୟାନ ରଖିଛନ୍ତି । ସେ ନିଜ ଟ୍ବିଟର ଆକାଉଣ୍ଟରେ ଦୁଇଟି ଟ୍ବିଟ କରି ଫିଲ୍ମ ବିଷୟରେ ଏମିତି କହିଛନ୍ତି ।
ଆଜ୍ଞା ହଁ, ଆମେ ଏଠାରେ କଥା ହେଉଛୁ ଅଭିନେତା କମାଲ ଆର ଖାନଙ୍କ ବିଷୟରେ । ଯିଏ ସବୁବେଳେ ନିଜ ବିବାଦୟ ଟ୍ବିଟ ପାଇଁ ଚର୍ଚ୍ଚାରେ ରୁହନ୍ତି । କେବଳ ଷ୍ଟାର୍ସଙ୍କ ଉପରେ ନୁହେଁ ସେ ରାଜନେତାଙ୍କ ଉପରେ ମଧ୍ୟ ଆଲୋଚନା କରନ୍ତି । ଆଉ ସାମାଜିକ ପ୍ରସଙ୍ଗରେ ନିଜ ପ୍ରତିକ୍ରିୟା ରଖିବାକୁ କେବେ ଭୁଲନ୍ତି ନାହିଁ ।
ସେ ସଲମାନଙ୍କ ଫିଲ୍ମ ‘ଦବଙ୍ଗ 3’କୁ ନେଇ ନିକଟରେ ଘୋଷଣା କରିଥିଲେ ଯେ ଫିଲ୍ମଟି ସୁପର ଫ୍ଲପ ହେବ । ଖାଲି ଏକିତି ନୁହେଁ ଫିଲ୍ମର ଗୀତ ମଧ୍ୟ ସବୁ ଫ୍ଲପ । କେଆରକେ ନିଜର ପ୍ରଥମ ଟ୍ବିଟରେ ଲେଖିଥିଲେ, ‘ଦବଙ୍ଗ 3ର ଟ୍ରେଲର ସୁପର ଫ୍ଲପ । ଯେଉଁ ଗୀତ ରିଲିଜ ହୋଇଛି ତାହା ମଧ୍ୟ ଫ୍ଲପ । ଅର୍ଥ ହେଲା କି ଏହି ଫିଲ୍ମ ମଲ୍ଟିପ୍ଲେକ୍ସ ଦର୍ଶକଙ୍କ ଠାରୁ ଦୂରକୁ ପଳାଇଛି । ଏବେ ଏହି ଫିଲ୍ମକୁ କେବଲ ରିକ୍ସାବାଲା ହିଁ ଦେଖିବେ । ଫିଲ୍ମଟି 150 କୋଟି ଟଙ୍କାରୁ ଅଧିକ ବିଜନେସ କରିପାରିବେ ନାହିଁ ଏବଂ ସୁପର ଫ୍ଲପ ସାବ୍ୟସ୍ତ ହେବ ।’
ତାଙ୍କ ଏହି ଟ୍ବିଟରରେ ସଲମାନଙ୍କ ଫ୍ୟାନ୍ସ ବିରୋଧ କରୁଥିବାର ନଜର ଆସୁଛନ୍ତି । ସେହିପରି ଦ୍ବିତୀୟ ଟ୍ବିଟରେ ସେ ଲେଖିଛନ୍ତି, ‘ସଲମାନ ଖାନଙ୍କ ଫ୍ୟାନ୍ସ ଟିକେ ଶାନ୍ତ ରୁହ । ମୁଁ ମାନି କି ସେ ବଲିଉଡର ସୁପରଷ୍ଟାର । କିନ୍ତୁ ଦର୍ଶକଙ୍କୁ ସାଉଥ ମସାଲା ଫିଲ୍ମ ଏବଂ 90 ଦଶକର ଗୀତ ଏବେ ପସନ୍ଦ ଆସୁନାହିଁ । ଯେମିତି ମରଜାୱାଂ ସୁପର ଫ୍ଲପ ହେଲା ସେହିପରି ଦବଙ୍ଗ 3 ହେବ ।’
