ମୁମ୍ବାଇ: ସୁପରଷ୍ଟାର ଶାହରୁଖ ଖାନ ଓ ଚୁଲବୁଲି ଅଭିନେତ୍ରୀ କାଜୋଲଙ୍କ ଯୋଡି ବଲିଉଡ ସ୍କ୍ରିନର ସୁପରହିଟ୍ ଯୋଡି ମଧ୍ୟରେ ଅନ୍ୟତମ । ଏହି ଯୋଡିଙ୍କ କେମେଷ୍ଟ୍ରି ପରଦାରେ ଦେଖିବାକୁ ସବୁବେଳେ ବ୍ୟାକୁଳ ନଜର ଆସନ୍ତି ଦର୍ଶକ । କାଜୋଲ ଓ ଶାହରୁଖ ଏକାଠି ଅନେକ ସୁପରହିଟ୍ ଫିଲ୍ମ ବଲିଉଡକୁ ଦେଇସାରିଛନ୍ତି । ଯେତେବେଳେ ଏହି ଯୋଡି ଏକାଠି ଫିଲ୍ମରେ କାମ କରୁଥିଲେ ଦର୍ଶକ ଦୁଇଜଣଙ୍କ ରିଲେସନସିପକୁ ନେଇ ଅନେକ ଚର୍ଚ୍ଚା ମଧ୍ୟ କରିଥିଲେ । ଆଉ ଏବେ କାଜୋଲ ଶାହରୁଖଙ୍କୁ ନେଇ ଏମିତି ବୟାନ ଦେଇଛନ୍ତି ଯାହା ଶୁଣି ଆଶ୍ଚର୍ଯ୍ୟ ଫ୍ୟାନ୍ସ ।
ନିକଟରେ କାଜୋଲ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଫ୍ୟାନ୍ସଙ୍କ ସହ ପ୍ରଶ୍ନ-ଉତ୍ତର ସେସନ ଖେଳିଥିଲେ । ଯେଉଁଥିରେ ସେ ପ୍ରଶଂସକଙ୍କ ସବୁ ପ୍ରଶ୍ନର ଉତ୍ତର ଦେବାର କଥା ଦେଇଥିଲେ । ଆଉ ଏହାର ଫାଇଦା ଉଠାଇ ଜଣେ ଫ୍ୟାନ କାଜୋଲଙ୍କୁ ପ୍ରଶ୍ନ କରିଥିଲେ ଯେ ଯଦି ଆପଣଙ୍କ ଲାଇଫରେ ଅଜୟ ଦେବଗନ ଆସି ନଥାନ୍ତେ, ତାହାଲେ କଣ ଶାହରୁଖ ଖାନଙ୍କୁ ବିବାହ କରିଥାଆନ୍ତେ କି ? ଏହାର ଉତ୍ତରରେ କାଜୋଲ କହିଥିଲେ ଯେ, କଣ ବ୍ୟକ୍ତିଙ୍କୁ ପ୍ରପୋଜ କରିବା କଥା ନୁହେଁ ? ତାଙ୍କର ଏପରି ଉତ୍ତର ଶୁଣି ଆଶ୍ଚର୍ଯ୍ୟ ହୋଇଯାଇଥିଲେ ପ୍ରଶଂସକ ।
