ମୁମ୍ବାଇ: କରୋନାଭାଇରସ ପରି ମହାମାରୀର ପ୍ରସାରକୁ ରୋକିବା ପାଇଁ ଆଜିକାଲି ସାରା ଦେଶରେ ଲକଡାଉନ ଚାଲିଛି । ଯେଉଁଥିପାଇଁ ସମସ୍ତ ସେଲିବ୍ରିଟିମାନେ ସେମାନଙ୍କ ଘରେ ରହୁଛନ୍ତି । ଏହି ଲକଡାଉନ ସମୟରେ ବଲିଉଡ ସେଲିବ୍ରିଟିମାନେ ସୋସିଆଲ ମିଡିଆରେ ଅଧିକ ସମୟ ବିତାଉଛନ୍ତି ।
ନିକଟରେ ଜୁହି ଚାୱଲା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ତାଙ୍କର ପୁରୁଣା ଏକ ଫଟୋ ସେୟାର କରିଛନ୍ତି । ଏହି ଲକଡାଉନ ସମୟରେ ଲୋକମାନଙ୍କୁ ଉତ୍ସାହିତ କରିବା ପାଇଁ ଜୁହି ଏକ ହସୁଥିବାର ଫଟୋ ସେୟାର କରିଥିଲେ । ଜୁହି ତାଙ୍କର ପୁରୁଣା ଫଟୋ ସେୟାର କରି ପୁରୁଣା ଦିନର ଅନେକ ମଧୁର ସ୍ମୃତିକୁ ମଧ୍ୟ ପୁନର୍ଜୀବିତ କରିଥିଲେ ।
ଏହି ଫଟୋ ସହିତ ଜୁହି କ୍ୟାପସନରେ ଲେଖିଛନ୍ତି ଯେ, ସଲିମ ସାହବଙ୍କର ଗୋଟିଏ କଥା ଶୁଣି ମୋତେ ଏହି ଫଟୋ ସେୟାର କରିବାକୁ ପଡିଲା । ଜୁହି ଲୋକମାନଙ୍କୁ ଏହି କଷ୍ଟଦାୟକ ସମୟରେ ସର୍ବଦା ହସନ୍ତୁ ଏବଂ ଖୁସିରେ ରୁହନ୍ତୁ ବୋଲି କହିଥିଲେ ।
ଏହାସହିତ ଅଭିନେତ୍ରୀ ସୋନାଲି ବେନ୍ଦ୍ରେ ମଧ୍ୟ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ତାଙ୍କ ପିଲାଦିନର ଏକ ଫଟୋ ସେୟାର କରିଛନ୍ତି । ଏହି ଫଟୋ ସହିତ ସୋନାଲି ଲୋକମାନଙ୍କୁ ଦୃଢ ଏବଂ ସୁରକ୍ଷିତ ରହିବା ପାଇଁ ଏବଂ ଆଶା ନ ଛାଡିବା ପାଇଁ ସକାରାତ୍ମକ ବାର୍ତ୍ତା ସେୟାର କରିଥିଲେ । ଏଥିସହ ଏହି ଲକଡାଉନରେ ସକାରାତ୍ମକ ଭାବରେ ରହିବାକୁ ଲୋକମାନଙ୍କୁ ପରାମର୍ଶ ମଧ୍ୟ ଦେଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
