ମୁମ୍ବାଇ: ହ୍ୟାଣ୍ଡସମ ଆକ୍ଟର ଜନ ଆବ୍ରାହମ ଓ ଅଭିନେତ୍ରୀ ମୃଣାଳ ଠାକୁର ଗତ ବର୍ଷ ରିଲିଜ ହୋଇଥିବା ଚର୍ଚ୍ଚିତ ଫିଲ୍ମ ‘ବାଟଲା ହାଉସ’ରେ ଏକାଠି ନଜର ଆସିଥିଲେ । ଏବେ ଦୁଇ ଷ୍ଟାର୍ସଙ୍କ ଫ୍ୟାନ୍ସଙ୍କ ସାମ୍ନାକୁ ଆସିଛି ଗୁଡନ୍ୟୁଜ । ଆଜ୍ଞା ହଁ, ଖୁବଶୀଘ୍ର ଏହି ଯୋଡି ‘ଗଲ୍ଲାଂ ଗୋରିୟାଂ’ ମ୍ୟୁଜିକ ଭିଡିଓରେ ନଜର ଆସିବାକୁ ଯାଉଛନ୍ତି । ଏହାର ସୂଚନା ଫ୍ୟାନ୍ସଙ୍କୁ ମୃଣାଳ ସୋସିଆଲ ମିଡିଆରେ ଦେଇଛନ୍ତି ।
ସେ ସୋମବାର ଇନଷ୍ଟାଗ୍ରାମରେ ଗୀତର ଏକ ପୋଷ୍ଟର ସେୟାର କରିଥିଲେ । ଯେଉଁଥିରେ ଜନଙ୍କ ସହ ସେ କୁଲ ଅବତାରରେ ନଜର ଆସୁଛନ୍ତି । ଆଉ ଏହାର କ୍ୟାପସନରେ ସେ ଲେଖିଥିଲେ, ‘ଆପଣ ଏହି ଗୀତରେ ନାଚି ନାଚି ଥକିବେ ନାହିଁ ।’
‘ଗଲ୍ଲାଂ ଗୋରିୟାଂ’ ଗୀତଟିକୁ ଧ୍ବନି ଭାନୁଶାଲୀ ଓ ତାଜ ଏକାଠି ମିଶି ଗାଇଛନ୍ତି । ଆଜି(ମଙ୍ଗଳବାର) ଏହାର ଟିଜର ରିଲିଜ ହେବ ।
ପ୍ରକାଶ ଥାଉକି ମୃଣାଳ ଖୁବଶୀଘ୍ର ସ୍ପୋର୍ଟ୍ସ ଡ୍ରାମା ଫିଲ୍ମ ‘ଜର୍ସି’ରେ ନଜର ଆସିବେ । ଫିଲ୍ମରେ ତାଙ୍କ ସହ ରୋମାନ୍ସ କରୁଥିବାର ଦେଖାଯିବେ କ୍ୟୁଟ ଆକ୍ଟର ଶାହିଦ କପୁର ।
