ମୁମ୍ବାଇ: ବଲିଉଡରେ ରିଲିଜ ହେଉଥିବା ପ୍ରାୟ ଫିଲ୍ମରେ କୌଣସି ନା କୌଣସି ପୁରୁଣା ହିଟ ଗୀତର ରିମେକ ଦେଖିବାକୁ ମିଳୁଛି । ଏହି ପ୍ରକ୍ରିୟା ଏବେ ଧିରେ ଧିରେ ବଲିଉଡରେ ବଢିବାରେ ଲାଗିଛି । ଅନ୍ୟପଟେ କିଛି ଲୋକଙ୍କୁ ଏହା ବେଶ ଭଲ ଲାଗୁଥିବା ବେଳେ ଆଉ କିଛି ଲୋକ ଏହାର ବିରୋଧ କରିବା ଆରମ୍ଭ କରିଲେଣି । ଏହି କ୍ରମରେ ଏବେ ସାମିଲ ଅଛନ୍ତି ଲୋକପ୍ରିୟ ଲେଖକ ଏବଂ ସଙ୍ଗୀତକାର ଜାଭେଦ ଅଖତର ।
ବି-ଟାଉନର ଖିଲାଡି ଅକ୍ଷୟ କୁମାର ଓ କ୍ୟାଟ୍ରିନା କୈଫଙ୍କ ଆଗାମୀ ଫିଲ୍ମ 'ସୂର୍ଯ୍ୟବଂଶୀ'ରେ ରିକ୍ରିଏଟ ହେଉଥିବା ଗୀତ 'ଟିପ ଟିପ ବରଷା ପାନି'ଙ୍କୁ ନେଇ କ୍ରୋଧ ପ୍ରକାଶ କରିଛନ୍ତି ଜାଭେଦ ।
ଫିଲ୍ମ 'ସୂର୍ଯ୍ୟବଂଶୀ' ପାଇଁ ରିକ୍ରିଏଟ ହେଉଥିବା 1994ରେ ଆସିଥିବା ଫିଲ୍ମ 'ମୋହରା'ର ରୋମାଣ୍ଟିକ ଗୀତ 'ଟିପ ଟିପ ବରଷା ପାନି’ର ସୁଟିଂ ଆରମ୍ଭ ହେବା ପୂର୍ବରୁ ହିଁ ଚର୍ଚ୍ଚାରେ ଥିଲା । ଗତକାଲି ଏହି ଗୀତର ସୁଟିଂ ଚାଲିଥିଲା । କିନ୍ତୁ ଏହି ଗୀତ ପାଇଁ ଜାଭେଦ 'ସୂର୍ଯ୍ୟଂବଶୀ' ମେକର୍ସଙ୍କ ଉପରେ ଭୀଷଣ ରାଗି ଯାଇଛନ୍ତି ।
ପ୍ରକାଶ ଥାଉକି ଦୀର୍ଘ ସମୟରୁ ଜାଭେଦ ଗୀତର କପି ରାଇଟକୁ ନେଇ ନିଜ ସ୍ବର ଉଠାଇଆସୁଛନ୍ତି । ଆଉ ସେ ଚାହୁଁଛନ୍ତି କି ଏହି ରିକ୍ରିଏଟର ପ୍ରକ୍ରିୟା ବନ୍ଦ ହେବା କଥା ।
