ମୁମ୍ବାଇ: ଫେମସ ନିର୍ମାତା କରନ ଜୋହରଙ୍କ ଚର୍ଚ୍ଚିତ ଫିଲ୍ମ ‘ଗୁଞ୍ଜନ ସକ୍ସେନା: ଦ କାରଗିଲ ଗାର୍ଲ’କୁ ନେଇ ନୂଆ ଚର୍ଚ୍ଚା । ସୁନ୍ଦରୀ ଅଭିନେତ୍ରୀ ଜାହ୍ନବୀ କପୁରଙ୍କ ଅଭିନୀତ ଏହି ଫିଲ୍ମ ଏବେ ସିନେମା ହଲରେ ରିଲିଜ ହେବ ନାହିଁ । ନିକଟରେ ଶୁଣିବାକୁ ମିଳୁଥିଲା ଯେ ଫିଲ୍ମଟିକୁ ମେକର୍ସ ଓଟିଟି ପ୍ଲାଟଫର୍ମ ରିଲିଜ କରିବେ । ହେଲେ ସେହି ସମୟରେ କରନ ଏକ ଟ୍ବିଟ କରି ସମସ୍ତଙ୍କୁ କହିଥିଲେ ଯେ କୌଣସି ବି ଫିଲ୍ମକୁ ନେଇ ଅନୁମାନ ଲଗାଯିବା କଥା ନୁହେଁ ।
ମଙ୍ଗଳବାର କରନଙ୍କ ପ୍ରଡକ୍ସନ ହାଉସ ଧର୍ମା ପ୍ରଡକ୍ସନ ଏହି ଖବରକୁ ସତ କହିଛି । କୋରୋନା ଭାଇରସ ପାଇଁ ସିନେମା ହଲ ପୁରା ଦେଶରେ ବନ୍ଦ ଅଛି । ଏଥି ନିମନ୍ତେ ଚିନ୍ତିତ ଥିବା ନିର୍ମାତା ଧିରେ ଧିରେ କରି ଓଟିଟି ପ୍ଲାଟଫର୍ମରେ ଫିଲ୍ମ ରିଲିଜ କରିବା ଆରମ୍ଭ କରିଦେଇଛନ୍ତି ।
ପ୍ରକାଶ ଥାଉକିୀ ଆମାଜନ ପ୍ରାଇମ ଭିଡିଓରେ ଅମିତାଭ ବଚ୍ଚନ ଓ ଆୟୁଷ୍ମାନ ଖୁରାନାଙ୍କ ବହୁପ୍ରତିକ୍ଷିତ ଫିଲ୍ମ ‘ଗୁଲାବୋ-ସିତାବୋ’ ପ୍ରଥମେ ଘୋଷଣା ହୋଇଥିଲା ରିଲିଜ ହେବାକୁ । ଯାହାପରେ ଅନେକେ ନିର୍ମାତା ନିଜ ନିଜ ଫିଲ୍ମ ରିଲିଜ କରିବାକୁ ଓଟିଟି ପ୍ଲାଟଫର୍ମରେ ଘୋଷଣା କରିବାରେ ଲାଗିଛନ୍ତି ।
