ମୁମ୍ବାଇ: କୋରୋନା ଭାଇରସ ମହାମାରୀ ଯୋଗୁଁ ସାରା ଦେଶରେ ଲକଡାଉନ ଚାଲିଛି। ଯାହା ପାଇଁ ଦେଶର ସବୁ ସିନେମାଘର ବର୍ତ୍ତମାନ ବନ୍ଦ ପଡିଛି । ଲକଡାଉନ ପୂର୍ବରୁ ଫିଲ୍ମ ରିଲିଜ ରଦ୍ଦ କରିଦେଇଥିଲେ ଫିଲ୍ମ ନିର୍ମାତା । ଆଉ ଏପରି ପରିସ୍ଥିତିରେ ଘରେ ବନ୍ଦ ଥିବା ଦର୍ଶକଙ୍କ ମନୋରଞ୍ଜନ କରିବା ପାଇଁ ଡିଜିଟାଲ ମୁହାଁ ସବୁ ମେକର୍ସ । ପ୍ରଥମେ ‘ଗୁଲାବୋ-ସିତାବୋ’ ମେକର୍ସ ଓଟିଟି ପ୍ଲାଟଫର୍ମରେ ଫିଲ୍ମ ରିଲିଜ କରିବାକୁ ଘୋଷଣା କରିଥିଲେ । ଯାହା ପରେ ଅନେକ ମେକର୍ସ ନିଜ ନିଜ ଫିଲ୍ମ ଓଟିଟି ପ୍ଲାଟଫର୍ମରେ ରିଲିଜ କରିବାକୁ ନିଷ୍ପତ୍ତି ନେଇଥିଲେ। ଏହି କ୍ରମରେ ଫେମସ ଅଭିନେତ୍ରୀ ଜାହ୍ନବୀ କପୁରଙ୍କ ଦୁଇଟି ଫିଲ୍ମ ସାମିଲ ହୋଇଛି।
ଚର୍ଚ୍ଚା ଜୋର ଧରିଛି ଯେ ଜାହ୍ନବୀଙ୍କ ‘ଗୁଞ୍ଜନ ସକ୍ସେନା’ ଓ ‘ରୁହୀ ଅଫଜାନା’ ମଧ୍ୟ ଡିଜିଟାଲ ପ୍ଲାଟଫର୍ମରେ ରିଲିଜ ହେବ। ହେଲେ ଜାହ୍ନବୀ କହିଛନ୍ତି ଯେ ଡିଜିଟାଲ ପ୍ଲାଟଫର୍ମରେ ଦୁଇଟି ଫିଲ୍ମ ରିଲିଜ ହେବା ବିଷୟରେ ସେ ନିଶ୍ଚିତ ନୁହଁନ୍ତି। ନିର୍ମାତାମାନେ ଭିଏଫଏକ୍ସର କାର୍ଯ୍ୟ ଆରମ୍ଭ କରିଛନ୍ତି । ଦୁଇଟି ଫିଲ୍ମର ସୁଟିଂ ଶେଷ ହୋଇସାରିଛି । କେବଳ ଭିଏଫଏକ୍ସର କାର୍ଯ୍ୟ ବାକି ଅଛି।
ପ୍ରକାଶ ଥାଉକି ‘ରୁହୀ ଅଫଜାନା’ରେ ଜାହ୍ନବୀଙ୍କ ସହ ରୋମାନ୍ସ କରୁଥିବାର ନଜର ଆସିବେ ପପୁଲାର ଆକ୍ଟର ରାଜକୁମାର ରାଓ । ସେହିପରି ‘ଗୁଞ୍ଜନ ସକ୍ସେନା’ କାରଗିଲ ଯୋଦ୍ଧ ଗୁଞ୍ଜନ ସକ୍ସେନାଙ୍କ ବାୟୋପିକ।
