ମୁମ୍ବାଇ: ନିକଟରେ ରିଲିଜ ହୋଇଥିବା କିୟାରା ଆଡଭାନୀଙ୍କ ମଲ୍ଟି ଷ୍ଟାରର କମେଡି ଫିଲ୍ମ ‘ଗୁଡନ୍ୟୁଜ’ ବର୍ତ୍ତମାନ ବକ୍ସ ଅଫିସରେ ଛାଇ ରହିଛି। ଦର୍ଶକ ଓ କ୍ରିଟିକ୍ସ ମଧ୍ୟ ଏହି ଫିଲ୍ମକୁ ଶାନଦାର ପ୍ରତିକ୍ରିୟା ଦେଇଛନ୍ତି। ଫିଲ୍ମରେ କିୟାରାଙ୍କ ସହ ଖିଲାଡି ଅକ୍ଷୟ କୁମାର, କରୀନା କପୁର ଖାନ, ଦିଲଜିତ ଦୋସାଞ୍ଝ ମୁଖ୍ୟ ଭୂମିକାରେ ଅଭିନୟ କରିଛନ୍ତି।
ଏହାବ୍ୟତୀତ କିଛି ଦିନ ହେବ ଏହି ଖବର ଜୋର ଧରିଥିଲା ଯେ କିୟାରାଙ୍କୁ ଆଉ ଏକ ବଡ ପ୍ରୋଜେକ୍ଟରେ ଦେଖିବାକୁ ଯାଉଛନ୍ତି ଦର୍ଶକ । ଫିଲ୍ମ ‘ମିଷ୍ଟର ଲେଲେ’କୁ ନେଇ ଉତ୍ସାହିତ ଥିଲେ ତାଙ୍କ ପ୍ରଶଂସକ। ହେଲେ ଫ୍ୟାନ୍ସଙ୍କ ପାଇଁ ସାମ୍ନାକୁ ଆସିଛି ନୌରାଶ୍ୟଜନକ ଖବର।
ଆଜ୍ଞା ହଁ, ବର୍ତ୍ତମାନ ଏହି ଫିଲ୍ମରୁ ବାଦ ପଡିଛନ୍ତି କିୟାରା। ଆଉ ଫିଲ୍ମ ଅଫର ଯାଇ ଜାହ୍ନବୀଙ୍କ ହାତରେ ଲାଗିଛି। ଯାହାକୁ ନେଇ ଖୁସି ଅଛନ୍ତି ଜାହ୍ନବୀଙ୍କ ଫ୍ୟାନ୍ସ। ଏହି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇବାକୁ ଯାଉଛନ୍ତି ଶଶାଙ୍କ ଖୈତାନ।
ଫିଲ୍ମରେ ଜାହ୍ନବୀ ହ୍ୟାଣ୍ଡସମ ଆକ୍ଟକ ବରୁଣ ଧୱନଙ୍କ ସହ ରୋମାନ୍ସ କରୁଥିବାର ନଜର ଆସିବେ। ‘ମିଷ୍ଟର ଲେଲେ’କୁ ଫିମେଲ ଲିଡ ଫିଲ୍ମ ପ୍ରୋଜେକ୍ଟ କୁହାଯାଉଛି। ଜାହ୍ନବୀଙ୍କ ବ୍ୟତୀତ ଫିଲ୍ମରେ ଆଉ କେଉଁ ଅଭିନେତ୍ରୀ ଅଭିନୟ କରିବେ ତାହା ନେଇ କୌଣସି ଘୋଷଣା ଏଯାବତ ହୋଇନାହିଁ।
