ହାଇଦ୍ରାବାଦ: ଜାହ୍ନବୀ କପୁରଙ୍କ ଜନ୍ମଦିନ ଆସନ୍ତାକାଲି ଅର୍ଥାତ ମାର୍ଚ୍ଚ 6 ତାରିଖରେ । ଧଡକ ଅଭିନେତ୍ରୀ କାଲି ତାଙ୍କର 25ତମ ଜନ୍ମ ଦିବସ ପାଳନ କରିବେ। ଏହାପୂର୍ବରୁ ସେ ମୁମ୍ବାଇ ବିମାନବନ୍ଦରରେ ପାପାରାଜି ସହିତ କେକ୍ କାଟି ନିଜ ଜନ୍ମଦିନ ପାଳନ କରିଛନ୍ତି। ପାପାରାଜି ତାଙ୍କୁ ଜନ୍ମଦିନରେ ଅଭିନନ୍ଦନ ଜଣାଇଛନ୍ତି (Happy Birthday Janhvi Kapoor)।
- " class="align-text-top noRightClick twitterSection" data="
">
1997 ମାର୍ଚ୍ଚ 6ରେ ଜନ୍ମିତ ଜାହ୍ନବୀ କପୁରଙ୍କୁ 25 ବର୍ଷ ହେବ । ହେଲେ 4ତାରିଖ ରାତିରୁ ତାଙ୍କ ଜନ୍ମଦିନ ପାଳନ ଉତ୍ସବ ଆରମ୍ଭ ହୋଇଯାଇଛି । ପାପାରାଜିଙ୍କ ଦ୍ୱାରା ଇନଷ୍ଟାଗ୍ରାମରେ ପୋଷ୍ଟ କରାଯାଇଥିବା ଏକ ଭିଡିଓରେ ଜାହ୍ନବୀ କପୁର ମୁମ୍ବାଇ ବିମାନବନ୍ଦରରେ କିଛି ଫଟୋଗ୍ରାଫରଙ୍କ ସହ ଜନ୍ମଦିନର କେକ୍ କାଟି ସହରରୁ ବାହାରକୁ ଯାଉଥିବାର ନଜର ଆସିଥିଲେ ।
ଶୁକ୍ରବାର ରାତିରେ ପାପାରାଜି ଆକାଉଣ୍ଟ ଦ୍ୱାରା ପୋଷ୍ଟ କରାଯାଇଥିବା ଏକ ଭିଡିଓରେ ଜାହ୍ନବୀ ବିମାନ ବନ୍ଦରରେ ପ୍ରବେଶ କରୁଥିବା ଦେଖିବାକୁ ମିଳିଛି । ଏହାପରେ ଫଟୋଗ୍ରାଫର ତାଙ୍କୁ କେକ କାଟିବାକୁ ଅନୁରୋଧ କରିଥିଲେ । ଜାହ୍ନବୀ କହିଛନ୍ତି, ତୁମେ ବହୁତ ଭଲ," ଏବଂ ପରେ ଫଟୋଗ୍ରାଫରଙ୍କ ଆବେଦନ କ୍ରମେ ସେ ବିମାନ ବନ୍ଦରରେ ନିଜେ କେକ୍ କାଟି ଫଟୋଗ୍ରାଫରଙ୍କୁ ଖୁଆଇ ଦେଇଛନ୍ତି ।
ଏହା ପରେ ସେ ନିଜ ମାସ୍କ କାଢି ଫଟୋଗ୍ରାଫରଙ୍କ ସହ ପୋଜ୍ ଦେଇଥିଲେ । ତାଙ୍କର ଏହି କାର୍ଯ୍ୟ ଉପରେ ଲୋକମାନେ ସୋସିଆଲ ମିଡିଆରେ ତାଙ୍କୁ ପ୍ରଶଂସା କରୁଛନ୍ତି । ଫ୍ୟାନ୍ସ କହିଛନ୍ତି, ଜାହ୍ନବୀ କପୁର ବହୁତ ନମ୍ର । ଧଡକ, ଗୁଞ୍ଜନ ସକ୍ସେନା, ରୁହି ଭଳି ଚଳଚ୍ଚିତ୍ରରେ ଅଭିନୟ କରିଥିବା ଅଭିନେତ୍ରୀ ଜାହ୍ନବୀ କପୁର ଚଳିତ ବର୍ଷ ତିନୋଟି ପ୍ରୋଜେକ୍ଟରେ ନଜର ଆସିବେ । ଯାହା ଧର୍ମା ପ୍ରଡକ୍ସନ୍ସ 'ଦୋସ୍ତାନା 2' ରୁ ଆରମ୍ଭ ହେବ, ତା’ପରେ ବ୍ଲାକ କମେଡି ଫିଲ୍ମ'ଗୁଡ୍ ଲକ୍ ଜେରୀ' ଏବଂ ଥ୍ରୀଲର 'ମିଲି' । ଏହା ବ୍ୟତୀତ ସେ ବମ୍ବେ ଗାର୍ଲ, ରଣଭୂମି, ତଖ୍ତ, ମିଷ୍ଟର ଆଣ୍ଡ ମିସେସ ମାହୀ ବଳି ବଲିଉଡ ଚଳଚ୍ଚିତ୍ରରେ ମଧ୍ୟ ମୁଖ୍ୟ ଭୂମିକାରେ ଅଭିନୟ କରିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
