ମୁମ୍ବାଇ: ‘ଧଡକ’ ଫିଲ୍ମ ଜରିଆରେ ଏକାଠି ବଲିଉଡରେ ପଦାର୍ପଣ କରିଥିବା ଈଶାନ ଖଟ୍ଟର ଓ ଜାହ୍ନବୀ କପୁର ସବୁବେଳେ ରିଲେସନଶିପକୁ ନେଇ ଚର୍ଚ୍ଚାରେ ରହିଥାଆନ୍ତି । ଦୁଇଜଣ କିନ୍ତୁ କେବେ ମଧ୍ୟ ନିଜ ରିଲେସନଶିପ ବିଷୟରେ ଘୋଷଣା କରିନାହାଁନ୍ତି । ତଥାପି ଦୁଇଜଣଙ୍କ ଚେହେରାରେ ପରସ୍ପର ପାଇଁ ପ୍ରେମ, ସ୍ନେହ ଦେଖିବାକୁ ମିଳିଥାଏ ।
ଇତିମଧ୍ୟରେ ଜାହ୍ନବୀ ଓ ଈଶାନଙ୍କ ଡିନର ଡେଟରେ ଏକାଠି ଦେଖିବାକୁ ମିଳିଛି । ଯାହାର ଚର୍ଚ୍ଚାର ବର୍ତ୍ତମାନ ଫ୍ୟାନ୍ସଙ୍କ ମଧ୍ୟରେ ଖୁବ୍ ଚାଲିଛି । ଅରେଞ୍ଜ ଟପ ଡେନିମ ଜିନ୍ସରେ ଜାହ୍ନବୀ ସବୁଥର ପରି ଖୁବ୍ ଆକର୍ଷଣୀୟ ଦେଖାଯାଉଥିବା ବେଳେ ଈଶାନ ବ୍ଲାକ ଟି-ସଟ ଓ ହ୍ବାଇଟ ସର୍ଟସରେ ନଜର ଆସୁଛନ୍ତି ।
ଯଦି ଏହି ଯୋଡିଙ୍କ ଆଗାମୀ ଫିଲ୍ମ ବିଷୟରେ କଥା ହେବା ତେବେ ଲୋକପ୍ରିୟ ଅଭିନେତା ରାଜ କୁମାର ରାଓଙ୍କ ସହ ଫିଲ୍ମ‘ରୁହ ଅଫଜା’ର ସୁଟିଂରେ ବ୍ୟସ୍ତ ଅଛନ୍ତି ଜାହ୍ନବୀ । ସେହିପରି ଈଶାନ ପପୁଲାର ନିର୍ଦ୍ଦେଶକ ଅଲ୍ଲୀ ଅବ୍ବାସ ଜଫରଙ୍କ ଆଗାମୀ ପ୍ରୋଜେକ୍ଟ ‘ଖାଲି ପିଲି’ରେ ପ୍ରଥମଥର ନବାଗତ ଅଭିନେତ୍ରୀ ଅନନ୍ୟା ପାଣ୍ଡେଙ୍କ ସହ ରୋମାନ୍ସ କରୁଥିବାର ଦେଖାଯିବେ ।
