ମୁମ୍ବାଇ: ପପୁଲାର ଅଭିନେତା ଇରଫାନ ଖାନ ଦୀର୍ଘଦିନରୁ ନ୍ୟୁରୋଇଣ୍ଡୋକ୍ରାଇନ ଟ୍ୟୁମର ନାମକ ରୋଗରେ ଆକ୍ରାନ୍ତ ହୋଇ ଲଣ୍ଡନରେ ଚିକିତ୍ସା କରାଉଥିଲେ ।ଇରଫାନଙ୍କୁ ଟ୍ୟୁମର ହେବା ବିଷୟରେ ଶୁଣି ପୁରା ବି-ଟାଉନର ଷ୍ଟାର୍ସଙ୍କ ସହ ତାଙ୍କର ଅନେକ ଫ୍ୟାନ୍ସ ଚିନ୍ତାରେ ଥିଲେ । କିନ୍ତୁ ଏବେ ଇରଫାନଙ୍କ ସ୍ୱାସ୍ଥ୍ୟାବସ୍ଥାରେ ଉନ୍ନତି ଆସିବା ସହ ସେ ଚିକିତ୍ସା ପାଇଁ ଶେଷରେ ଫେରିଛନ୍ତି ଭାରତ ।
ତେବେ ଇରଫାନଙ୍କ ଭାରତ ଫେରିବା ଖବର ଶୁଣି ସମସ୍ତେ କହୁଛନ୍ତି ଯେ ସେ କାଳେ ଫେବୃୟାରୀ 22ରୁ ତାଙ୍କ ଆଗାମୀ ଫିଲ୍ମ 'ହିନ୍ଦୀ ମିଡିୟମ'ସିକ୍ୱେଲର ସୁଟିଂ କରିବେ । କିନ୍ତୁ ବିଶେଷ ସୁତ୍ରରୁ ପ୍ରକାଶ ଯେ, 'ଇରଫାନ ଭାରତ ଫେରିଛନ୍ତି ସତ କିନ୍ତୁ ଫିଲ୍ମର ସୁଟିଂ ପାଇଁ ନୁହେଁ । ଫିଲ୍ମର ସୁଟିଂ ହେବ, କିନ୍ତୁ କେବେ ଆରମ୍ଭ ହେବ ଏନେଇ କୌଣସି ସୂଚନା ମିଳିପାରିନାହିଁ ।'
ପ୍ରକାଶ ଥାଉକି, ଗତବର୍ଷ ମାର୍ଚ୍ଚରେ ଇରଫାନ ନ୍ୟୁରୋଇଣ୍ଡୋକ୍ରାଇନ ଟ୍ୟୁମରରେ ପିଡୀତ ବୋଲି ସୋସିଆଲ ମିଡିଆରେ ଘୋଷଣା କରି ଚିକିତ୍ସା ପାଇଁ ଲଣ୍ଡନ ଚାଲିଯାଇଥିଲେ । ଦେଖାଯାଉ ଇରଫାନ ସମ୍ପୂର୍ଣ୍ଣ ଭାବରେ କେବେ ସୁସ୍ଥ ହେଉଛନ୍ତି ଓ ସୁଟିଂ ଆରମ୍ଭ କରୁଛନ୍ତି ।
