ମୁମ୍ବାଇ: ପରିଶେଷରେ ରିଲିଜ ହୋଇଯାଇଛି ଅର୍ଜୁନ କପୁରଙ୍କ ଆଗାମୀ ବହୁ ପ୍ରତିକ୍ଷିତ ଫିଲ୍ମ 'ଇଣ୍ଡିଆଜ ମୋଷ୍ଟ ୱାଣ୍ଟେଡ'ର ଜବରଦସ୍ତ ଟ୍ରେଲର । ଏହି ଟ୍ରେଲରେ ଅର୍ଜୁନଙ୍କ ଭିନ୍ନ ଅବତାର ଦେଖିବାକୁ ମିଳୁଛି । ଟ୍ରେଲରଟି ମାତ୍ର ଦୁଇ ଘଣ୍ଟା ମଧ୍ୟରେ 2 ଲକ୍ଷରୁ ଅଧିକ ଭ୍ୟୁଜ ମିଳିସାରିଲାଣି । ଏହାର ମାନେ ହେଲା ଟ୍ରେଲ ଆସିବା ମାତ୍ରେ ୟୁଟ୍ୟୁବରେ ମୋଷ୍ଟ ଟ୍ରେଣ୍ଡିଂ ଭିଡିଓ ସାଜିଛି ।
- " class="align-text-top noRightClick twitterSection" data="">
ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ରାଜକୁମାର ଗୁପ୍ତା । ସେ ଭାରତରେ ଚାଲିଥିବା ଟ୍ରେଣ୍ଡକୁ ଦୃଷ୍ଟିରେ ରଖି ଏହି ଫିଲ୍ମ ତିଆରି କରିଛନ୍ତି । ଯେଉଁଥିରେ ଦେଶଭକ୍ତଙ୍କର ଶାନଦାର କାହାଣୀ ଦେଖିବାକୁ ମିଳିଛି । ସେହି ଦେଶଭକ୍ତଙ୍କ ମଧ୍ୟରେ ଅର୍ଜୁନଙ୍କ ନାମ ମଧ୍ୟ ସାମିଲ ଅଛି ।
ସେ ଫିଲ୍ମରେ ଏମିତି ଅଫିସର ହୋଇଛନ୍ତି ଯିଏ ଆତଙ୍କବାଦୀ ବିରୋଧରେ ଏକ ଅଭିଯାନ ଆରମ୍ଭ କରୁଛନ୍ତି । ସେ ସବୁଠାରୁ ବଡ ଆତଙ୍କବାଦୀ ଧରିବା ପାଇଁ ନିଜ ଜୀବନକୁ ବାଜିରେ ଲଗାଇ ଦେଉଥିବାର ନଜର ଆସୁଛନ୍ତି । ଏହାପାଇଁ ସେ ଏକ ଟିମ ତିଆରି କରି ଆତଙ୍କବାଦୀର ଗତିବିଧି ଉପରେ ନଜର ରଖି ଆତଙ୍କବାଦୀ ନିପାତ କରିବା ପାଇଁ ବାହାରୁଛନ୍ତି । ଫିଲ୍ମର ମୁଖ୍ୟ କଥା ହେଲା କି ଆତଙ୍କବାଦୀ ବିରୋଧରେ ଅର୍ଜୁନ ତିଆରି କରିଥିବା ଟିମ ବିନା ଅସ୍ତ୍ରଶସ୍ତ୍ରରେ ଲଢିବାକୁ ଯାଉଛନ୍ତି ।
ପ୍ରକାଶ ଥାଉକି 'ଇଣ୍ଡିଆଜ ମୋଷ୍ଟ ୱାଣ୍ଟେଡ' କାହାଣୀଟି ଏକ ବାସ୍ତବ କାହାଣୀ ଉପରେ ଆଧାରିତ । ଯେଉଁଥିରେ 5 ରିୟଲ ଲାଇଫ ହିରୋଜଙ୍କ ବିଷୟରେ ଦେଖିବାକୁ ମିଳିବ । ଫିଲ୍ମରେ ଅର୍ଜୁନଙ୍କ ସହ ମୁଖ୍ୟ ଭୂମିକାରେ ଦେଖାଯିବେ ରାଜେଶ ଶର୍ମା, ଶାନ୍ତିଲାଲ ମୁଖର୍ଜୀ ଓ ପ୍ରଶାନ୍ତ ଆଲେକଜେଣ୍ଡର । ମେ 24ରେ ଫିଲ୍ମଟି ରିଲିଜ ହେବାକୁ ପ୍ରସ୍ତୁତ ହୋଇସାରିଲାଣି ।
