ହାଇଦ୍ରାବାଦ: ଭାରତୀୟ ଚଳଚ୍ଚିତ୍ର ଓ ଟେଲିଭିଜନ ନିର୍ଦ୍ଦେଶକ ସଂଘ ବା ଆଇଏଫଟିଡିଏ ରାଜ କପୁରଙ୍କ ସ୍ମୃତିରେ ଏକ ମ୍ୟୁଜିୟମ ତିଆରି ପାଇଁ ଗୋଦରେଜ ଇଣ୍ଡଷ୍ଟ୍ରିକୁ ଅନୁରୋଧ କରିଛି । ଆଇଏଫଟିଡିଏ ଏ ସମ୍ପର୍କିତ ଏକ ଚିଠି ଗୋଦରେଜକୁ ଲେଖି ଆରକେ ଷ୍ଟୁଡିଓର କିଛି ଅଂଶରେ ମ୍ୟୁଜିୟମ ନିର୍ମାଣ ପାଇଁ ଅନୁରୋଧ କରିଛି ।
ଏହି ମ୍ୟୁଜିୟମ ତିଆରି ହେଲେ ଦର୍ଶକଙ୍କ ମନରେ ରାଜ କପୁର ସବୁଦିନ ପାଇଁ ଅମର ହୋଇ ରହିବେ । ଗୋଦରେଜର ଚେୟାରମ୍ୟାନ ଆଦିଲ ଗୋଦରେଜ କିଛି ଦିନ ପୂର୍ବେ ଆରକେ ଷ୍ଟୁଡିଓକୁ କିଣି ନେଇଥିଲେ ।
ତେବେ ଚିଠିରେ ଆରକେ ଷ୍ଟୁଡିଓର 33,000ବର୍ଗକ୍ଷେତ୍ରରୁ କିଛି ଜାଗା ମ୍ୟୁଜିୟମ ପାଇଁ ଦେବାକୁ କହିଥିଲା ସଂଘ । ଆରକେ ଷ୍ଟୁଡିଓରୁ ଅନେକ କଳାକାର ଓ ନିର୍ଦ୍ଦେଶକ ନିଜର ସଫଳ କ୍ୟାରିୟରର ଆରମ୍ଭ କରିଛନ୍ତି । ଅନେକ ଗୀତ, ଫିଲ୍ମର ସୁଟିଂ ହୋଇଛି । ତେବେ ସଂଘ ଆଶା କରୁଛି ଗୋଦରେଜ ତାଙ୍କ ଅପିଲକୁ ସମ୍ମାନ ଦେବ ଓ ରାଜକପୁରଙ୍କ ଉଦ୍ଦେଶ୍ୟରେ ଏକ ବିଶ୍ବସ୍ତରୀୟ ମ୍ୟୁଜିୟମ ତିଆରି କରିବ ।
ପ୍ରକାଶ ଥାଉକି, ରାଜ କପୁର 70 ଦଶକର ସୁପରହିଟ ଅଭିନେତା ସହ ସଫଳ ନିର୍ଦ୍ଦେଶକ ଥିଲେ । ସେ ଅନେକ ସୁପରହିଟ ଚଳଚ୍ଚିତ୍ର ଯଥା ମେରା ନାମ ଜୋକର, ପ୍ରେମ ରୋଗ, ଶ୍ରୀ420 ରେ ନିଜ ଅଭିନୟର ଯାଦୁ ଚଳାଇଥିଲେ ।
