ମୁମ୍ବାଇ: ଫିଟନେସ ଓ ସିକ୍ସ ପ୍ୟାକ ଷ୍ଟାର ହ୍ରିତିକ । ବଲିଉଡରେ ନିଜ ଚେହେରା ଓ ଲୁକ ପାଇଁ ହ୍ରିତିକ ରୋଶନଙ୍କୁ ଗ୍ରୀକ ଗଡ ବୋଲି କୁହାଯାଏ । ତାଙ୍କ ୱାର୍କ ଆଉଟ ଓ ଡାନ୍ସର ଦିୱାନା ଲକ୍ଷାଧିକ ଫ୍ୟାନ୍ସ । ତେବେ ତାଙ୍କୁ ଅନେକ ଯୁବ ଫ୍ୟାନ୍ସ ଆଦର୍ଶ ମାନୁଥିବାବେଳେ ଖୋଦ ହ୍ରିତିକ ନିଜ ବାପାଙ୍କୁ ନିଜର ଆଦର୍ଶ ବୋଲି କହିଛନ୍ତି ।
ଲକଡାଉନ ସମୟରେ ଘରେ ଥିବାବେଳେ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେ ପିତା ରାକେଶ ରୋଶନଙ୍କ ଏକ ଭିଡିଓ ସେୟାର କରିଛନ୍ତି । ଏଥିରେ ରାକେଶ ବିଭିନ୍ନ ପ୍ରକାର ବ୍ୟାୟାମ କରୁଥିବାର ଦେଖାଯାଉଛି । ଏହାସହ ସେ ଅନେକ ଜିମ ୱାର୍କ ଆଉଟ ମଧ୍ୟ କରୁଛନ୍ତି । ଏହା ସେୟାର କରି ହ୍ରିତିକ କହିଛନ୍ତି ଯେ ବାପାଙ୍କ ୱାର୍କ ଆଉଟ ମୋତେ ସବୁଦିନ ପ୍ରେରଣା ଦିଏ । ତାଙ୍କ ଭଳି ହେବାକୁ ମୋତେ ବହୁତ ଇଚ୍ଛା । ବାପାଙ୍କ ଫିଟନେସ ଓ ଇଚ୍ଛାଶକ୍ତି ମୋ ପାଇଁ ସବୁବେଳେ ପ୍ରେରଣା ବୋଲି ହ୍ରିତିକ କହିଛନ୍ତି । ଏହାସହ ସେ ରାକେଶଙ୍କୁ ଡାଡି କୁଲ ବୋଲି ସମ୍ବୋଧନ କରିଛନ୍ତି ।
ଲକଡାଉନରେ ହ୍ରିତିକ ପରିବାର ସହ ସମୟ କାଟୁଛନ୍ତି । ବିଭିନ୍ନ ସମୟରେ ସେ ସୋସିଆଲ ମିଡିଆରେ ରାକେଶଙ୍କ ୱାର୍କ ଆଉଟର ଭିଡିଓ ଛାଡୁଛନ୍ତି । ଗତବର୍ଷ ରାକେଶ କ୍ୟାନସର ସହ ଲଢି ସୁସ୍ଥ ହୋଇଥିଲେ । ଏହି ସମୟରେ ହ୍ରିତିକ ତାଙ୍କର ଅନେକ ପ୍ରଶଂସା କରିଥିଲେ । ସେ ବାପାଙ୍କୁ ଜଣେ ଯୋଦ୍ଧା ବୋଲି କହିଛନ୍ତି ।
