ମୁମ୍ବାଇ: ଅଭିନେତା ହ୍ରିତିକ ରୋଶନଙ୍କ ବହୁ ପ୍ରତିକ୍ଷିତ ଫିଲ୍ମ 'ସୁପର-30' ରିଲିଜ ପାଇଁ ପ୍ରସ୍ତୁତ ହୋଇସାରିଲାଣି । ଫିଲ୍ମ ଦେଖିବାକୁ ବ୍ୟାକୁଳ ଅଛନ୍ତି ହ୍ରିତିକଙ୍କ ଫ୍ୟାନ୍ସ । ଇତିମଧ୍ୟରେ ଫ୍ୟାନ୍ସଙ୍କ ଏକ୍ସାଇଟମେଣ୍ଟ ବଢାଇବା ପାଇଁ ଫିଲ୍ମର ପ୍ରଥମ ଗୀତ 'ଜୁଗରାଫିୟା' ରିଲିଜ କରିଦେଇଛନ୍ତି । ଗୀତ ରିଲିଜ ହେବା ମାତ୍ରେ ଏବେ ୟୁଟ୍ୟୁବରେ ଛାଇ ଯାଇଛି ।
ଏଯାବତ ୟୁଟ୍ୟୁବରେ 4 ଲକ୍ଷରୁ ଅଧିକ ଭ୍ୟୁଜ ମିଳିସାରିଲାଣି । ଗୀତରେ ହ୍ରିତିକ ମ୍ୟାଥ ପ୍ରଶ୍ନ ଛାଡି ଅଭିନେତ୍ରୀ ମୃଣାଳଙ୍କୁ ଇଶକ କରିବାରେ ଲାଗିପଡିଛନ୍ତି । ଗୀତର ଲିରିକ୍ସ ହେଲା 'ଜୁଗରାଫିୟା' ଯାହାକୁ ଅମିତାଭ ଭଟ୍ଟାଚାର୍ଯ୍ୟା ଲେଖିଛନ୍ତି । ସେହିପରି ଗୀତରେ ଜବରଦସ୍ତ ମ୍ୟୁଜିକର ତଡକା ଲଗାଇଛନ୍ତି ଅତୁଲ । ଅନ୍ୟପଟେ ଗୀତଟିକୁ ଗାଇଛନ୍ତି ଉଦିତ ନାରାୟଣ ଓ ଶ୍ରେୟା ଘୋଷାଲ ।
ଏହି ଅବସରରେ ହ୍ରିତିକ ଗୀତଟିକୁ ଫ୍ୟାନ୍ସଙ୍କ ପାଇଁ ସୋସିଆଲ ମିଡିଆ ସେୟାର କରିଛନ୍ତି । ପୋଷ୍ଟରେ ଗୀତର ଲିରିକ୍ସ ସେୟାର କରିବା ସହ କ୍ୟାପସନରେ ଲେଖିଛନ୍ତି, "ଗୁସ୍ତାଖିୟାଂ ମାଙ୍ଗେ ନ ମାଫିୟାଂ" । ଜଣାଇ ଦେଉଛୁ ଯେ ଫିଲ୍ମଟି ଜୁଲାଇ 12ରେ ରିଲିଜ ହେବାକୁ ଯାଉଛି ।
