ମୁମ୍ବାଇ: ବି-ଟାଉନର କ୍ରିଶ ହ୍ରିତିକ ରୋଶନଙ୍କ ଆଗାମୀ ଚର୍ଚ୍ଚିତ ଫିଲ୍ମ 'ସୁପର-30' ଜୁଲାଇ 12ରେ ରିଲିଜ ହେବା ପାଇଁ ପ୍ରସ୍ତୁତ ହୋଇସାରିଲାଣି । କିଛି ଦିନ ପୂର୍ବରୁ ରିଲିଜ ହୋଇଥିବା ଏହି ଫିଲ୍ମର ଟ୍ରେଲର ବର୍ତ୍ତମାନ ୟୁଟ୍ୟୁବରେ ନମ୍ବର1ରେ ଟ୍ରେଣ୍ଡ କରୁଛି । ଏହି ଫିଲ୍ମ ରିଲିଜ ପରେ ହ୍ରିତିକ ୟଶରାଜ ପ୍ରଡକ୍ସନରେ ତିଆରି ହେଉଥିବା ଆଗାମୀ ଫିଲ୍ମରେ ନଜର ଆସିବେ ।
ନୂଆ ଫିଲ୍ମକୁ ନେଇ ଶୁଣିବାକୁ ମିଳୁଛି ଯେ, ହ୍ରିତିକ ଫିଲ୍ମ କରିବା ପାଇଁ ମୋଟା ଅଙ୍କ ଡିମାଣ୍ଡ କରିଛନ୍ତି । ଫିସ୍ ମାମଲାରେ ଏଥର ସେ ସଲମାନ ଖାନ ଓ ଶାହରୁଖ ଖାନଙ୍କୁ ମଧ୍ୟ ପଛରେ ପକାଇ ଦେଇଛନ୍ତି । କାରଣ ଏହି ଦୁଇ ଖାନଙ୍କ ଠାରୁ ଅଧିକା ଫିସ୍ ବା ପାରିଶ୍ରମିକ ମୂଲ୍ୟ ଡିମାଣ୍ଡ କରିଛନ୍ତି ହ୍ରିତିକ ।
ପ୍ରକାଶ ଥାଉକି, ସିଦ୍ଧାର୍ଥ ଆନନ୍ଦଙ୍କ ନିର୍ଦ୍ଦେଶନାରେ ତିଆରି ହେଉଥିବା ଫିଲ୍ମରେ ହ୍ରିତିକ ଓ ଟାଇଗର ଶ୍ରଫ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମରେ 48 କୋଟି ଟଙ୍କା ଦିଆଯାଇ ହ୍ରିତିକଙ୍କୁ କ୍ୟାରେକ୍ଟରରେ ନିଆଯାଇଛି । ଏହା ଏକ ଆକ୍ସନ ଫିଲ୍ମ । ହ୍ରିତିକଙ୍କୁ ଏହି ଫିଲ୍ମରେ ଅନ୍ୟ ଷ୍ଟାର୍ସ ଅପେକ୍ଷା ଅଧିକ ଫିସ୍ ଦିଆଯାଇଛି । ବର୍ତ୍ତମାନ ହ୍ରିତିକ କୌଣସି ଫିଲ୍ମ ସାଇନ କରିବା ପୂର୍ବରୁ ମୋଟା ଅଙ୍କର ଡିମାଣ୍ଡ କରୁଛନ୍ତି ବୋଲି ଶୁଣିବାକୁ ମିଳୁଛି ।
