ହାଇଦ୍ରାବାଦ: କୋର୍ଟ ଏବଂ ପୋଲିସ ସହ ହନି ସିଂଙ୍କର ଏକ ପୁରୁଣା ସମ୍ପର୍କ ରହିଛି । କେତେବେଳେ ପାରିବାରିକ ହିଂସା ମାମଲା ତ ପୁଣି କେତେବେଳେ ଅଶ୍ଳୀଳ ଗୀତ ଯୋଗୁଁ ମୁସ୍କିଲରେ ପଡିଯାଆନ୍ତି ହନି ସିଂ । ନିକଟରେ ମହାରାଷ୍ଟ୍ରର ନାଗପୁରର ଏକ ଜିଲ୍ଲା କୋର୍ଟ ଗାୟକଙ୍କୁ ତାଙ୍କ ଭଏସ ସାମ୍ପଲ ଦେବାକୁ କହିଛନ୍ତି । ଏହି ନମୁନା ବା ସାମ୍ପଲକୁ ଥାନାରେ ଉପସ୍ଥାପନ କରିବାକୁ କୋର୍ଟ ସ୍ଥାନୀୟ ପୋଲିସକୁ ନିର୍ଦ୍ଦେଶ ଦେଇଛନ୍ତି । ଇଣ୍ଟରନେଟରେ ଅଶ୍ଳୀଳ ଗୀତ ଏବଂ ଅପଲୋଡ କରିବା ମାମଲାରେ କୋର୍ଟ ହନି ସିଂଙ୍କୁ ଏହି ନିର୍ଦ୍ଦେଶ ଦେଇଛନ୍ତି ।
ଜିଲ୍ଲା ତଥା ଅତିରିକ୍ତ ଅଧିବେଶନ ଜଜ୍ ଏସ୍ ଏ ଏସ୍ ଏମ୍ ଅଲୀ ଜାନୁଆରୀ 27ରେ ହନି ସିଂଙ୍କୁ ଫେବୃଆରୀ 4ରୁ ଫେବୃଆରୀ 11 ମଧ୍ୟରେ ନାଗପୁରର ପଞ୍ଚପାଲି ପୋଲିସ୍ ଷ୍ଟେସନରେ ହାଜର ହେବାକୁ ନିର୍ଦ୍ଦେଶ ଦେଇଥିଲେ । କୋର୍ଟ ଗାୟକଙ୍କ ଦ୍ବାରା ଧାର୍ଯ୍ୟ କରାଯାଇଥିବା ଏକ ଆବେଦନ ଉପରେ ଶୁଣାଣି କରି ଏହି ନିର୍ଦ୍ଦେଶ ଦେଇଛନ୍ତି, ଯେଉଁଥିରେ ସେ ବିଦେଶ ଯାତ୍ରା କରିବା ପାଇଁ ଲଗାଯାଇଥିବା ସର୍ତ୍ତରେ କୋହଳ କରିବାକୁ ଦାବି କରିଥିଲେ ।
ଜାନୁଆରୀ 29 ରୁ ଫେବୃଆରୀ 4 ମଧ୍ୟରେ ସିଂଙ୍କୁ ଦୁବାଇ ଯାତ୍ରା କରିବାକୁ ଅନୁମତି ଦେଇଥିବା ବେଳେ କୋର୍ଟ ତାଙ୍କୁ ଫେବୃଆରୀ 4 ରୁ 11 ମଧ୍ୟରେ ପୋଲିସ ଷ୍ଟେସନରେ ହାଜର ହେବାକୁ କହିଥିଲେ । ଯାଞ୍ଚ ଅଧିକାରୀ ହନି ସିଂଙ୍କ ଆବେଦନକୁ ବିରୋଧ କରିଥିଲେ, ସେ ଯେ ଜାନୁଆରୀ 25ରେ ଗାୟକ ପୋଲିସ ଷ୍ଟେସନରେ ହାଜର ହେବେ ବୋଲି କହିଥିଲେ, କିନ୍ତୁ ସେ ହାଜର ହୋଇନଥିଲେ ଏବଂ ବ୍ୟସ୍ତବହୁଳ କାର୍ଯ୍ୟସୂଚୀ ହେତୁ ସେ ଆସିପାରିବେ ନାହିଁ ବୋଲି ଇମେଲ କରିଥିଲେ।
ବ୍ୟୁରୋ ରିପୋର୍ଟ, ଇଟିଭି ଭାରତ
