ମୁମ୍ବାଇ: ଆକ୍ଟର, ମ୍ୟୁଜିକ ନିର୍ଦ୍ଦେଶକ ଓ ଫେମସ ଗାୟକ ହିମେଶ ରେଶମିୟା ଓ ସାନିୟା ମାନଙ୍କ ଚର୍ଚ୍ଚିତ ଫିଲ୍ମ ‘ହାପି ହାର୍ଡି ଆଣ୍ଡ ହୀର’ ମଜାଦାର ଟ୍ରେଲର ରିଲିଜ ହୋଇଯାଇଛି । ଟ୍ରେଲରରେ ହିମେଶ ଡବଲ ରୋଲରେ ଅଭିନୟ କରୁଥିବାର ଦେଖାଯିବେ । ଟ୍ରେଲର ରିଲିଜ ହେବା ମାତ୍ରେ ସୋସିଆଲ ମିଡିଆରେ ଛାଇ ଯାଇଛି ।
ଟ୍ରେଲର ଆରମ୍ଭରେ ହିମେଶ ନିଜ ବିଷୟରେ କରୁଥିବା ବେଳେ ବ୍ୟାକଗ୍ରାଉଣ୍ଡରେ ସେଷ୍ଟନ ଗାୟିକା ରାନୁ ମଣ୍ଡଲଙ୍କ ପପୁଲାର ଗୀତ ‘ତେରି ମେରି କାହାନୀ’ ଶୁଣିବାକୁ ମିଳୁଛି । ହିମେଶ ଫିଲ୍ମରେ ଡବଲ ରୋଲରେ ଅଭିନୟ କରୁଛନ୍ତି । ଆଉ ଦୁଇଜଣ ଗୋଟିଏ ଝିଅ ପଛରେ ଦିୱାନା ମଧ୍ୟ ନଜର ଆସୁଛନ୍ତି । ଏହି ପ୍ରେମ ଲଢେଇରେ କିଏ ଜିତିବ ତାହା କେବଳ ଫିଲ୍ମ ଦେଖିଲା ପରେ ହିଁ ଜଣାପଡିବ ।
ଟ୍ରେଲରରେ ହାପି ତଥା ସରଦାର ଜି ଗେଟଅପରେ ବହୁତ କ୍ୟୁଟ ଲାଗୁଛନ୍ତି ହିମେଶ । ସେହିପରି ହାର୍ଡି ଅବତାରରେ ସ୍ମାର୍ଟ ହ୍ୟାଣ୍ଡସମ ନଜର ଆସୁଛନ୍ତି ସେ । ଆପଣ ମଧ୍ୟ ଦେଖନ୍ତୁ ଏହି ମଜାଦାର ଟ୍ରେଲର...
- " class="align-text-top noRightClick twitterSection" data="">
ପ୍ରକାଶ ଥାଉକି ଫିଲ୍ମର ଫେମସ ଗୀତ ‘ତେରି ମେରି କାହାନୀ’ ସୋସିଆଲ ମିଡିଆରେ ପୂର୍ବରୁ ଚହଳ ସୃଷ୍ଟି କରିସାରିଛି । ହିମେଶ ଓ ରାନୀ ଏହି ଗୀତଟିକୁ ମିଶି ଗାଇଛନ୍ତି । ଫିଲ୍ମରେ ମ୍ୟୁଜିକର ତଡକା ମଧ୍ୟ ଲଗାଇଛନ୍ତି ହିମେଶ । ଫିଲ୍ମର ନିର୍ମାଣ ଦୀପଶିଖା ଦେଶମୁଖ ଓ ସାବିତା ମାଣକଚନ୍ଦ ମିଶି କରିଛନ୍ତି । ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ରାକା ।
