ହାଇଦ୍ରାବାଦ: 'ଗେମ୍ସ ଅଫ ବାସିପୁର'ରୁ ପପୁଲାର ହୋଇଥିବା ଅଭିନେତା ନୱାଜୁବ୍ଦିନ ସିଦ୍ଦିକୀ ଆଜି ନିଜର 45ତମ ଜନ୍ମଦିନ ପାଳନ କରୁଛନ୍ତି । ଉତ୍ତରପ୍ରଦେଶରର ମୁଜାଫରବାଦର ଛୋଟ ଗାଁରେ ଜନ୍ମ ହୋଇଥିବା ନୱାଜୁବ୍ଦିନ ବିଭିନ୍ନ ଚଳଚ୍ଚିତ୍ରରେ ପ୍ରଥମେ ଛୋଟ ଛୋଟ ଚରିତ୍ର କରିଥିଲେ । ପରେ ସଲମାନଙ୍କ 'କିକ୍' ଫିଲ୍ମରେ ପ୍ରଥମେ ନେଗେଟିଭ ଚରିତ୍ରରେ ନଜର ଆସଥିଲେ । ଏହାକୁ ଲୋକେ ଖୁବ ପସନ୍ଦ କରିଥିଲେ ।
ଏହାପରେ ମଣ୍ଟୋ ଓ ଠାକରେ ଫିଲ୍ମରେ ନିଜର ଜବରଦସ୍ତ ପ୍ରଦର୍ଶନ ଦେଇଥିଲେ । ନୱାଜୁବ୍ଦିନ ସିଦ୍ଦିକୀ ବଲିଉଡର ତିନିଖାନଙ୍କ ସହ କାମ କରିସାରିଛନ୍ତି । ସଲମାନଙ୍କ ସହ କିକ୍ ଓ ବଜରଙ୍ଗୀ ଭାଇଜାନ, ଆମିରଙ୍କ ସହ ସରଫରୋସ, ଶାହାରୁଖଙ୍କ ସହ ରଇଜରେ ନଜର ଆସିସାରିଛନ୍ତି ନୱାଜୁବ୍ଦିନ ।
ତେବେ ସେକ୍ରେଡ ଗେମ୍ସର ଷ୍ଟାର ନୱାଜୁବ୍ଦିନ ମୁମ୍ବାଇକୁ ଟେଲିଭିଜନ ଅଭିନେତା ହେବାକୁ ଆସିଥିଲେ ମାତ୍ର କୌଣସି ଟେଲିଭିଜନ ନିର୍ଦ୍ଦେଶକ ତାଙ୍କୁ ସାହାଯୟ କରିନଥିଲେ । ପ୍ରାୟ 6-7ବର୍ଷ ହେବ ସି-ଗ୍ରେଡ ଫିଲ୍ମରେ କାମ କରିଥିଲେ ନୱାଜୁବ୍ଦିନ ।
ନୱାଜୁବ୍ଦିନ 'ମାଂଝି ଦି ମାଉଣ୍ଟେନ ମ୍ୟାନ'ରେ କାମ କରିଥିଲେ । ଏଥିରେ ସେ ଦଶରଥ ମାଂଝି ଚରିତ୍ରରେ ନଜର ଆସିଥିଲେ ।
