ମୁମ୍ବାଇ: ସେ ମଣିଷ ମାତ୍ର ତାଙ୍କୁ ମିଳିଛି ଭଗବାନଙ୍କ ଆଖ୍ୟା । ଏପରିକି ଜଣେ କଳାକାର ଯିଏ ନିଜର ଅଭିନୟ ଜରିଆରେ ସମସ୍ତଙ୍କ ହୃଦୟରେ ରାଜ କରୁଛନ୍ତି । ଆମେ ଯାହା କଥା କହୁଛୁ ଆପଣ ତାଙ୍କ ବିଷୟରେ ଅଳ୍ପେ ବହୁତେ ଅନୁମାନ କରିଥିବେ ନିଶ୍ଚୟ । ଆମେ କହୁଛେ ତାମିଲ ସୁପରଷ୍ଟାର ରଜନୀକାନ୍ତଙ୍କ କଥା ।
69 ବର୍ଷରେ ପାଦ ଦେଲେ ସାଉଥ ସୁପରଷ୍ଟାର ରଜନୀକାନ୍ତ । ‘ଦ ଥଲାଇଭା’ ବା ରଜନୀକାନ୍ତଙ୍କ ଅଭିନୟ ଲୋକଙ୍କ ହୃଦୟରେ ସର୍ବଦା ବିଦ୍ୟମାନ । ବଲିଉଡ ଫିଲ୍ମ ‘2.0’ ମାଧ୍ୟମରେ ସେ ବଲିଉଡ ଫିଲ୍ମ ଇଣ୍ଡଷ୍ଟ୍ରୀକୁ ଏକ ନୂଆ ସ୍ତରରେ ପହଞ୍ଚାଇଛନ୍ତି ।
ରଜନୀକାନ୍ତଙ୍କ ପ୍ରକୃତ ନାମ ହେଉଛି ଶିବାଜୀ ରାଓ ଗାୟକୱାଡ । 12 ଡିସେମ୍ବର 1950ରେ ବେଙ୍ଗାଲୁରୁରେ ଜନ୍ମଗ୍ରହଣ କରିଥିଲେ ଏହି ତାମିଲ ସୁପରଷ୍ଟାର। 1975 ମସିହାରେ ସେ 'ଅପୂର୍ବ ରାଙ୍ଗଗଲ'ରୁ ନିଜ ଫିଲ୍ମି କ୍ୟାରିୟର ଆରମ୍ଭ କରିଥିଲେ ।
ନିଜର ଦମଦାର ଅଭିନୟ ସାଙ୍ଗକୁ ବେମିସାଲ୍ ପର୍ସନାଲିଟି ପାଇଁ ସେ ବସ୍ କଣ୍ଡକ୍ଟରରୁ କୋଟି କୋଟି ଲୋକଙ୍କ ହୃଦୟରେ ରାଜ୍ କରିବାରେ ସଫଳ ହୋଇଛନ୍ତି । ଏହା ଆମେ ସମସ୍ତେ ଖୁବ୍ ଭଲଭାବରେ ଜାଣିଛେ ଯେ, ରଜନୀକାନ୍ତଙ୍କ ଫ୍ୟାନ୍ସ ତାଙ୍କୁ ଭଗବାନଙ୍କ ଆଖ୍ୟା ଦେଇଥାଆନ୍ତି । ମାତ୍ର ଏପଥ ଅତିକ୍ରମ କରିବା ଏତେ ସହଜ ନଥିଲା ରଜନୀକାନ୍ତଙ୍କ ପାଇଁ । ଏଥିପାଇଁ ସେ ଅନେକ ସଂଘର୍ଷ କରିଛନ୍ତି।
ଏହାପରେ ସେ ଅନେକ ବଲିଉଡ ଫିଲ୍ମ 'ଅନ୍ଧାକାନୁନ', 'କବାଲୀ' ଓ 'ଶିବାଜୀ ଦ ବସ୍' ଭଳି ଅନେକ ଦମଦାର ଫିଲ୍ମରେ ନଜର ଆସିଥିଲେ ।
