ନୂଆଦିଲ୍ଲୀ: ଗତ ବର୍ଷରୁ ନେଇ ଏଯାବତ ବକ୍ସ ଅଫିସରେ ବଲିଉଡର ସିମ୍ବା ଏବଂ ଗଲି ବୟ ରଣଭୀର ସିଂହ କବଜା କରି ରଖିଛନ୍ତି । ବର୍ତ୍ତମାନ ସେ ନିଜର ରାଜୁତି ବଜାଇ ରଖିବା ପାଇଁ ବଡ ନିଷ୍ପତ୍ତି ନେଇଛନ୍ତି । ଆଜ୍ଞା ହଁ, ଐତିହାସିକ, ମ୍ୟୁଜିକାଲ ଭଳି ଅନେକ ଭେରାଇଟି ପରେ ଏବେ ରଣଭୀର କମେଡି ଆଡକୁ ପଦ ବଢାଇଛନ୍ତି । ସେ ଏବେ ଜଣାଶୁଣା ନିର୍ଦ୍ଦେଶକଙ୍କ ହାତ ଧରିଛନ୍ତି ।
ରଣଭୀର ସବୁବେଳେ ନିଜ ଗେଟଅପ ଏବଂ ଡିଫରେଣ୍ଟ ଟାଇପ ରୋଲ୍ସ ଜରିଆରେ ଦର୍ଶକଙ୍କୁ ଆଶ୍ଚର୍ଯ୍ୟ କରିଥାଆନ୍ତି । ଇତିମଧ୍ୟରେ ରଣଭୀରଙ୍କ ସହ ସମ୍ପୃକ୍ତ ଥିବା ଏକ ଖବର ସାମ୍ନାକୁ ଆସିଛି । ସେ ପୁଣିଥରେ ଜବରଦସ୍ତ ଫିଲ୍ମ ପରଦାରେ ଆଣିବାକୁ ପ୍ରସ୍ତୁତି ଚଳାଇଛନ୍ତି । ସେ ନିର୍ଦ୍ଦେଶକ ରାଜକୁମାର ସନ୍ତୋଷୀଙ୍କ ସହ ଏକ ଫିଲ୍ମ ସାଇନ କରିଛନ୍ତି ।
ପ୍ରକାଶ ଥାଉକି ରଣଭୀର, ରାଜକୁମାରଙ୍କ ଏହି ଭିନ୍ ପ୍ରୋଜେକ୍ଟ ପାଇଁ ହଁ କରିସାରିଛନ୍ତି । ଏହି ଫିଲ୍ମକୁ ନେଇ ଦୀର୍ଘ ସମୟରୁ କଥାବାର୍ତ୍ତା ଚାଲିଥିଲା । ଏବର୍ଷ ଡିସେମ୍ବରରେ ଫିଲ୍ମର ସୁଟିଂ ମଧ୍ୟ ଆରମ୍ଭ ହେବ।
କିଛି ଦିନ ପୂର୍ବରୁ ଶୁଣିବାକୁ ମିଳୁଥିଲା କି ରାଜକୁମାର ଭାଇଜାନ୍ ସଲମାନ ଖାନ ଓ ଆମୀର ଖାନ ଷ୍ଟାରର 'ଅନ୍ଦାଜ ଅପନା ଅପନା' ସିକ୍ବେଲ ଉପରେ କାମ କରୁଛନ୍ତି । ଦେଖିବାକୁ ବାକି ରହିଲା କି କେଉଁ ଫିଲ୍ମ ନେଇ ରଣଭୀର ପୁଣି ନିଜ ଫ୍ୟାନ୍ସକୁ ଆଶ୍ଚର୍ଯ୍ୟ କରୁଛନ୍ତି ।
