ମୁମ୍ବାଇ: ଆକ୍ଟର ଗୋବିନ୍ଦା ଏବେ ବରୁଣ ଧୱନଙ୍କ ଆଗାମୀ ଫିଲ୍ମ ‘କୁଲି ନମ୍ବର-1’କୁ ନେଇ ମୁହଁ ଖୋଲିଛନ୍ତି। ପୂର୍ବରୁ ସେ ଫେମସ ନିର୍ମାତା ଡେଭିଡ ଧୱନଙ୍କୁ ସର୍ବସାଧାରଣରେ ସମାଲୋଚନା କରି ଚର୍ଚ୍ଚାରେ ଆସିଥିଲେ। ‘କୁଲି ନମ୍ବର-1’ 1995ରେ ରିଲିଜ ହୋଇଥିବା ଗୋବିନ୍ଦା ଓ କରିସ୍ମା କପୁରଙ୍କ ସୁପରହିଟ୍ ଫିଲ୍ମ ‘କୁଲି ନମ୍ବର-1’ର ରିମେକ।
ବର୍ତ୍ତମାନ ଏହି ରିମେକ ଫିଲ୍ମକୁ ନେଇ ଗୋବିନ୍ଦା ନିଜ ମନ କଥା ପ୍ରକାଶ କରିଛନ୍ତି । ଫିଲ୍ମରେ ବରୁଣଙ୍କ ସହ ରୋମାନ୍ସ କରିବେ ସାରା ଅଲ୍ଲୀ ଖାନ। ଯାହାର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ଡେଭିଡ। ଏକ ସାକ୍ଷାତକାରରେ ଯୋଗ ଦେଇ ଗୋବିନ୍ଦା କହିଥିଲେ ଯେ ବରୁଣଙ୍କୁ ସେ ଶୁଭକାମନା ଦେଉଛନ୍ତି । ତାଙ୍କୁ ଭଲ ଲାଗେ ଯେବେ ଯୁବ କଳାକାର ନିଜ ସିରିୟର୍ସଙ୍କୁ ପ୍ରେରଣା ରୂପେ ଦେଖନ୍ତି । ଆମେ ମଧ୍ୟ ଯେବେ ଯୁବ ଥିଲୁ ଠିକ୍ ଏପରି ହିଁ କରୁଥିଲୁ । ଅନେକ ସୁପରଷ୍ଟାରଙ୍କ ପରି ଆମେ ମଧ୍ୟ ହେବାକୁ ଚାହୁଁଥିଲୁ।
ପ୍ରକାଶ ଥାଉକି କିଛି ଦିନ ପୂର୍ବରୁ ଗୋବିନ୍ଦା ଡେଭିଡଙ୍କ ବିଷୟରେ ଅପମାନଜନକ କଥା କହିଥିଲେ। ଯାହାପରେ ସେ ଚର୍ଚ୍ଚାରେ ଆସିଥିଲେ। 90 ଦଶକରେ ଡେଭିଡଙ୍କ ସହ ଗୋବିନ୍ଦା ଅନେକ ହିଟ୍ ଫିଲ୍ମରେ କାମ କାରିଥିଲେ।
