ମୁମ୍ବାଇ: ଚର୍ଚ୍ଚାରେ କାର୍ତ୍ତିକ ଆର୍ୟନ ଓ କିୟାରା ଆଡଭାନୀଙ୍କ ହରର କମେଡି ଫିଲ୍ମ ‘ଭୁଲ ଭୁଲୈୟା 2’। ଫିଲ୍ମର ସୁଟିଂ ବର୍ତ୍ତମାନ ଜୋରସୋର ଚାଲିଛି। ଏହି ଦୁଇ କଳାକାରଙ୍କ ବ୍ୟତୀତ ଫିଲ୍ମରେ ତବ୍ବୁ ମଧ୍ୟ ଭୂମିକାରେ ନଜର ଆସିବେ। ଇତିମଧ୍ୟରେ ଫିଲ୍ମକୁ ନେଇ ନୂଆ ଖବର ସାମ୍ନାକୁ ଆସିଛି। ଫିଲ୍ମରେ ଏବେ ସାମିଲ ହୋଇଛନ୍ତି ବଲିଉଡର ଆଉ ଜଣେ ବିଶିଷ୍ଟ ଅଭିନେତା । ଆଜ୍ଞା ହଁ, ଲୋକପ୍ରିୟ ଅଭିନେତା ଗୋବିନ୍ଦ ନାମଦେବଙ୍କୁ ଏହି ଫିଲ୍ମରେ କାଷ୍ଟ କରିଛନ୍ତି ମେକର୍ସ।
ଏହି ଅବସରରେ ଗୋବିନ୍ଦ କହିଛନ୍ତି ଯେ ସେ ଫିଲ୍ମରେ ମହତ୍ବପୂର୍ଣ୍ଣ ଭୂମିକାରେ ଅଭିନୟ କରିବେ। ବର୍ତ୍ତମାନ ସେ ଜୟପୁରରେ ସୁଟିଂ ଆରମ୍ଭ କରିଦେଇଛନ୍ତି। ଏହି ଯୁଗର ଏମିତି ପ୍ରତିଭାଶାଳୀ କଳାକାରଙ୍କ ସହ କାମ କରିବା ପ୍ରକୃତରେ ତାଙ୍କ ପାଇଁ ଶାନଦାର ଅନୁଭୂତି ହେବ। କିୟାର ଶାନଦାର ଅଭିନେତ୍ରୀ ହେବା ବେଳେ କାର୍ତ୍ତିକ ହୃଦୟ ଚୋରି କରୁଥିବା ଅଭିନେତା। ଏହି ଦୁଇ କଳାକାର ନିକଟରେ ନିଜ ନିଜର ହିଟ୍ ଫିଲ୍ମ ଦେଇଛନ୍ତି। ବାସ୍ତବରେ ସେ ତାଙ୍କ କାମ ଏବଂ ପ୍ରତିଭାର ପ୍ରଶଂସକ।
ପ୍ରକାଶ ଥାଉକି 2007ରେ ଆସିଥିବା ଅକ୍ଷୟ କୁମାର ଓ ବିଦ୍ୟା ବାଲନଙ୍କ ସପୁରହିଟ୍ ଫିଲ୍ମ ‘ଭୁଲ ଭୁଲୈୟା’ର ଏହା ରିମେକି ଫିଲ୍ମ । ଯାହାର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ଫେମସ ନିର୍ଦ୍ଦେଶକ ଅନୀସ ବଜ୍ମୀ । ସେହିପରି ଭୁଲ ଭୁଲୈୟାର ନିର୍ଦ୍ଦେଶନା କରିଥିଲେ ପ୍ରିୟଦର୍ଶନ ।
