ହାଇଦ୍ରାବାଦ: ମୁକେଶ ଖନ୍ନା ତାଙ୍କର ଆଇକନିକ ଚରିତ୍ର ‘ଶକ୍ତିମାନ’ ସହ ପ୍ରତ୍ୟାବର୍ତ୍ତନ କରିବାକୁ ଯାଉଛନ୍ତି। ସେ ପ୍ରାୟ 19 ବର୍ଷ ପରେ 'ଶକ୍ତିମାନ'ର ଭୂମିକାରେ ପରଦାକୁ ଫେରିବେ। ବର୍ତ୍ତମାନ ନିର୍ମାତା 'ଶକ୍ତିମାନ'ର ଏକ ନୂତନ ଭିଡିଓ ଅପଲୋଡ୍ କରିଛନ୍ତି, ଯେଉଁଥିରେ ଶକ୍ତିମାନ ଏକ ବିଦ୍ୟାଳୟରେ ପିଲାମାନଙ୍କ ସହ ନଜର ଆସିଛନ୍ତି। ଏଥି ସହିତ ମୁକେଶ ଖାନ୍ନାଙ୍କ ଏକ ସାକ୍ଷାତକାର ମଧ୍ୟ ସାମ୍ନାକୁ ଆସିଛି ଯେଉଁଥିରେ ସେ ସୋ’ର ସିକ୍ୱେଲ ବିଷୟରେ କଥାବାର୍ତ୍ତା ହେଉଥିବା ଦେଖିବାକୁ ମିଳିଛି । ଏହି ସମୟରେ ସେ ନିଜ କମବ୍ୟାକ ନେଇ ସ୍ପଷ୍ଟ କରିଛନ୍ତି । ସେ ପରଦାରେ ତାଙ୍କର ଆଇକନିକ୍ ଭୂମିକାକୁ ଫେରିବାକୁ ନେଇ ବହୁତ ଉତ୍ସାହିତ ଥିବା କହିଛନ୍ତି ।
ଖୁବଶୀଘ୍ର ଆସୁଛି 'ଶକ୍ତିମାନ'
ସୋମବାର ନିର୍ମାତାମାନେ ଶକ୍ତିମାନଙ୍କ ଲାଟେଷ୍ଟ ଭିଡିଓ ପୋଷ୍ଟ କରିଛନ୍ତି। ଭିଡିଓ ଆରମ୍ଭରେ ମୁକେଶ ଖନ୍ନା ଦେଶର ସହିଦମାନଙ୍କୁ ସ୍ମରଣ କରୁଥିବା ଏକ ଗୀତ ଗାଇଥିବାର ଦେଖିବାକୁ ମିଳିଛି। ଏହି ସମୟରେ କିଛି ପିଲା ତାଙ୍କ ପାଖରେ ପହଞ୍ଚନ୍ତି । ଏହି ଭିଡିଓରେ 'ଶକ୍ତିମାନ' ଦେଶର କ୍ରାନ୍ତିକାରୀ ବୀର ସୈନିକମାନଙ୍କ ବିଷୟରେ ପିଲାମାନଙ୍କ ସହ ପଜଲ୍ ସମାଧାନ କରୁଥିବା ଦେଖିବାକୁ ମିଳିଛି । ଏହି ଭିଡିଓରେ ଗାଇଥିବା ଗୀତକୁ ମୁକେଶ ଖନ୍ନା ସ୍ୱର ଦେଇଛନ୍ତି ।
#WATCH | Mumbai: Actor Mukesh Khanna, who is all set to reprise his iconic character of 'Shaktimaan', speaks about the role.
— ANI (@ANI) November 11, 2024
" this is a costume within me...i think personally too, in my mind, this costume has come from within me...i did well in shatimaan because it came from… pic.twitter.com/1NdTRup83h
19 ବର୍ଷ ପରେ ପୁଣି ସୁପରହିରୋ ସାଜିବେ ମୁକେଶ ଖନ୍ନା
ନିକଟରେ ANI କୁ ଦେଇଥିବା ଏକ ସାକ୍ଷାତକାରରେ ମୁକେଶ ଖନ୍ନା ଶକ୍ତିମାନର ପୁନଃ ଲଞ୍ଚ ବିଷୟରେ କହିଛନ୍ତି। ସେ କହିଛନ୍ତି, 'ମୁଁ ଭୀଷ୍ମ ପିତାମହ ଭଲ କରିଥିଲି କାରଣ ଏହା ମୋ ଭିତରୁ ଆସିଥିଲା । ମୁଁ ଶକ୍ତିମାନ ଭଲ କରିଥିଲେ କାରଣ ଏହା ମୋ ଭିତରୁ ଆସିଥିଲା । ମୁଁ କୌଣସି ରୋମାଣ୍ଟିକ ଭୂମିକା କରିପାରିବି ନାହିଁ, କାରଣ ଏହା ମୋ ଭିତରୁ ବାହାରକୁ ଆସିବ ନାହିଁ। ମୁଁ ଜଣେ ଭିଲେନ୍ ଭୂମିକାରେ ଅଭିନୟ କରିପାରିବି ନାହିଁ କାରଣ ଏହା ମୋ ଭିତରୁ ଆସିବ ନାହିଁ । ଅଭିନୟ ଅର୍ଥ ଆତ୍ମବିଶ୍ୱାସ । ମୁଁ ପୁଣିଥରେ ଶକ୍ତିମାନ ହେବାରେ ଅନ୍ୟମାନଙ୍କ ଅପେକ୍ଷା ଅଧିକ ଖୁସି । କାରଣ ମୁଁ ମୋର ଦାୟିତ୍ୱ ପୂରଣ କରୁଛି ଯାହା ମୁଁ 1997 ରେ ଆରମ୍ଭ କରିଥିଲି ଏବଂ ଯାହା 2005 ପର୍ଯ୍ୟନ୍ତ ଜାରି ରହିଥିଲା । ମୁଁ ଅନୁଭବ କରୁଛି ଯେ ମୋର କାର୍ଯ୍ୟ 2027 ରେ ଲୋକଙ୍କ ନିକଟରେ ପହଞ୍ଚିବା ଉଚିତ କାରଣ ଆଜିର ପିଢି ଅନ୍ଧ ହୋଇ ଚାଲିଛି । ସେମାନଙ୍କୁ ଅଟକାଇ ନିଶ୍ୱାସ ନେବାକୁ କୁହାଯିବା ଦରକାର ।'
ଏହା ମଧ୍ୟ ପଢନ୍ତୁ: 'ଶକ୍ତିମାନ' ଫିଲ୍ମରେ ରଣଭୀର ସିଂ ଆସିବେନି ନଜର, କାଷ୍ଟିଂ ନେଇ ବର୍ଷିଲେ ମୁକେଶ ଖନ୍ନା
'ଶକ୍ତିମାନ' ରିଟନ୍ସରେ ନଜର ଆସିବେନି ରଣଭୀର ସିଂ !
ତାଙ୍କ ସାକ୍ଷାତକାର ସମୟରେ ମୁକେଶ ଖାନ୍ନା କହିଛନ୍ତି ଯେ ଶକ୍ତିମାନ ରିଟନ୍ସ ପାଇଁ କୌଣସି ବଲିଉଡ ଅଭିନେତା ଦସ୍ତଖତ କରିନାହାଁନ୍ତି। କହିରଖୁଛୁ କି, ଏହି ଚରିତ୍ରର ଲୋକପ୍ରିୟତା ଦେଖି ଏହାକୁ ବଡ ପରଦାରେ ଆଣିବା ପାଇଁ ଯୋଜନା କରିଛନ୍ତି ନିର୍ମାତା ଏବଂ ଫିଲ୍ମ ଘୋଷଣା ପରଠାରୁ ଏହା ଖବରରେ ଅଛି । ଏଥିସହ ରଣଭୀର ସିଂ ଏହି ଫିଲ୍ମରେ 'ଶକ୍ତିମାନ'ର ଚରିତ୍ରରେ ଅଭିନୟ କରିବେ ବୋଲି ମଧ୍ୟ ଚର୍ଚ୍ଚା ଜୋର ଧରିଥିଲା । ନିକଟରେ ଏନେଇ ମୁକେଶ ରଣଭୀରଙ୍କ ଉପରେ ବର୍ଷିଥିଲେ । ବର୍ତ୍ତମାନ ମୁକେଶ ପରୋକ୍ଷ ଭାବେ ଏଥିରେ କୌଣସି ତାରକା ନଜର ଆସିବା କହିଥିବା ବେଳେ ସେ ହିଁ ଶକ୍ତିମାନ ଭୂମିକାରେ ନଜର ଆସିବେ ବୋଲି ସ୍ପଷ୍ଟ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
