ମୁମ୍ବାଇ: ଗ୍ଲୋବାଲ ଆଇକନ ପ୍ରିୟଙ୍କା ଚୋପ୍ରା ଜୋନସଙ୍କ ବହୁ ଚର୍ଚ୍ଚିତ ବହି ‘ମେମୋଏର ଅନଫିନିସଡ୍’ ( memoir Unfinished) ବହି ଆସନ୍ତା 9 ତାରିଖରେ ପ୍ରକାଶିତ ହେବାକୁ ଯାଉଛି । ଯାହାକୁ ନେଇ ସେ ଚର୍ଚ୍ଚାରେ । ବୁକ୍ ଲଞ୍ଚ ଅବସରରେ ପ୍ରିୟଙ୍କା ପାଶ୍ଚାତ୍ୟରେ ତାଙ୍କର ଯାତ୍ରା ଏବଂ ହିନ୍ଦୀ ସିନେମା ତାଙ୍କର ପ୍ରାଥମିକତା ତାଲିକାରେ କିପରି ଫିଟ୍ ହୋଇଛି ସେ ବିଷୟରେ ଜଣାଇଛନ୍ତି । ଏହାସହ ସେ କିପରି ନିଜ କାମରେ ଆଗକୁ ବଢିପାରିଛନ୍ତି ତାନେଇ ମଧ୍ୟ ଆଲୋଚନା କରିଛନ୍ତି ।
ଏକ ସାକ୍ଷାତକାରରେ ତାଙ୍କୁ ପଚରାଯାଇଥିଲା, ‘କିପରି ହିନ୍ଦୀ ସିନେମା ତାଙ୍କର ପ୍ରାଥମିକତା ତାଲିକାରେ ଫିଟ୍ ହେଉଛି ।’ ଏହାର ଉତ୍ତରରେ ସେ କହିଛନ୍ତି, ‘ନିର୍ମାତା ରୂପେ ହିନ୍ଦୀ ସିନେମା ମୋର ବଡ ସ୍ଥାନରେ ସବୁବେଳେ ଫିଟ୍ ହେଉଛୁ । ମୋତେ ନିର୍ମାତା ଭାବରେ କିଛି ସମୟ ପାଇଁ ଆମେରିକାରେ କାମ କରିବାରେ ମଧ୍ୟ ଧ୍ୟାନ ଦେବାକୁ ପଡିଲା କାରଣ ମୁଁ ବର୍ତ୍ତମାନ ପ୍ରଯୋଜନା କରୁଛି । ଅଧିକାର ଭାବନାରୁ ମୁଁ ଏହା ନିକଟକୁ ଆସିପାରିନାହିଁ । ମୁଁ ପ୍ରକୃତରେ ଏକ ନିର୍ମାତା ଭାବରେ ନିର୍ମାଣ କରିବାକୁ ଏବଂ ଯଥା ସମ୍ଭବ କ୍ରେଡିଟ୍ ଅଙ୍କନ କରିବାକୁ ସୁଯୋଗ ପାଇଲି । ହେଲେ ମୁଁ ପ୍ରକୃତରେ ହିନ୍ଦୀ ଫିଲ୍ମ କରିବାକୁ ଚାହୁଁଛି ଯେପର୍ଯ୍ୟନ୍ତ ଦର୍ଶକ ମୋତେ ପସନ୍ଦ କରୁଛନ୍ତି, କିନ୍ତୁ ସମସ୍ୟା ହେଉଛି ଯେ ମୁଁ ଆମେରିକାରେ ମୋର କ୍ୟାରିୟର ଗଢୁଛି ତେଣୁ ସେଥିରେ ଧ୍ୟାନ ଦେବା ପାଇଁ ମୋର ଟିକିଏ ଶକ୍ତି ଏବଂ ସମୟ ଲାଗୁଛି ।’
ଖାଲି ଏତିକି ନୁହେଁ ଏହା ବ୍ୟତୀତ ସେ ବଲିଉଡରେ ନିଜ କ୍ୟାରିୟର ବିଷୟରେ ଆଲୋଚନା କରି କହିଥିଲେ, ‘ବଲିଉଡରେ ଧ୍ୟାନ ଦେବା ପାଇଁ ମୋତେ 10 ବର୍ଷ ଲାଗିଗଲା ଏବଂ ଶେଷରେ ମୁଁ ଯେଉଁଠାରେ ପହଞ୍ଚିଲି ତାହା କେବଳ ପରିଶ୍ରମ ଆବଶ୍ୟକ କରିଥିଲା । ତୁମେ ରାତାରାତି କିଛି ପାଇପାରିବ ନାହିଁ ଏବଂ ମୁଁ ମଧ୍ୟ ରାତାରାତି କିଛି ପାଇ ନାହିଁ ।’
ବ୍ୟୁରୋ ରିପୋର୍ଟ, ଇଟିଭି ଭାରତ
