ମୁମ୍ବାଇ: ଆସୁଛି ଚଳିତ ବର୍ଷର ନବରାତ୍ରି ପୂଜା । ଏହାକୁ ଦୃଷ୍ଟିରେ ରଖି ତାପସୀ ପନ୍ନୁଙ୍କ ଫିଲ୍ମ 'ରଶ୍ମି ରକେଟ'ର 'ଘାନି କୁଲ ଛୋରି' ଗୀତ ରିଲିଜ ହୋଇଛି । ଏଥିରେ ତାପସୀଙ୍କ ଦମଦାର ଡ୍ୟାନ୍ସ ମୁଭ ଦେଖିବାକୁ ମିଳିଥିବାବେଳେ ସେ ଘାଘରା-ଚୋଲି ଗର୍ବା ଆଉଟଫିଟ ପିନ୍ଧିଛନ୍ତି ।
ଏହି ଗୀତକୁ ଅମିତ ତ୍ରିବେଦୀ କମ୍ପୋଜ କରିଥିବାବେଳେ ଭୂମି ତ୍ରିବେଦୀ ଗୀତଟିକୁ ଗାଇଛନ୍ତି । ଏହି ଗୀତର ଲିଙ୍କକୁ ତାପସୀ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ତାପସୀଙ୍କ ନୃତ୍ୟକଳାକୁ ନେଟିଜେନ୍ସ ଖୁବ ପସନ୍ଦ କରିଥିବାବେଳେ ତାପସୀଙ୍କ ସାନ ଭଉଣୀ ଶଗୁନ ପନ୍ନୁ ଦେଇଛନ୍ତି ଫନ୍ନି ରିଆକ୍ସନ । ଏଥିରେ ଶଗୁନ କମେଣ୍ଟ କରିଛନ୍ତି ଯେ ତାପସୀ କେବଳ ଏଠାରେ Sorry କହିଛନ୍ତି । ଏହି ଗୀତରେ ଗୋଟିଏ ସ୍ଥାନରେ ତାପସୀ ଅଧିକ କୁଲ୍ ହେବା ପାଇଁ ଯୁବକଙ୍କୁ କ୍ଷମା ମାଗିଛନ୍ତି । ଗୀତର ଏହି ସିନ୍କୁ ନେଇ ଶଗୁନ ବଡ଼ ଭଉଣୀକୁ ଚିଡ଼ାଇଥିବା ଦେଖିବାକୁ ମିଳିଛି ।
ତାପସୀ ଏଥିରେ କମେଣ୍ଟ୍ସ ଦେଇ ଲେଖିଛନ୍ତି ଯେ 'ଚୁପ ରୁହ' । ସେପଟେ ଏହି ଫିଲ୍ମଟି ଏକ ଛୋଟ ଗାଁର ଜଣେ ଯୁବତୀ, ଯିଏକି ଏକ ବୃତ୍ତିଗତ ରନର୍ ଭାବରେ ଦେଶ ପାଇଁ ପ୍ରଶଂସା ଜିତନ୍ତି । ତଥାପି, ଯେତେବେଳେ ତାଙ୍କୁ ଲିଙ୍ଗ ଯାଞ୍ଚ ପରୀକ୍ଷା(Gender verification test) ପାଇଁ ଡାକନ୍ତି, ସେତେବେଳେ ତାଙ୍କ ଜୀବନ ଏକ ମୋଡ଼ ନେଇଥାଏ । ଏହି କାହାଣୀ ଉପରେ ଫିଲ୍ମଟି ଆଧାରିତ । ଅକ୍ଷୟ ଖୁରାନାଙ୍କ ଦ୍ବାରା ନିର୍ଦ୍ଦେଶିତ ରଶ୍ମୀ ରକେଟରେ ସୁପ୍ରିୟା ପାଠକ ଏବଂ ଅଭିଷେକ ବାନାର୍ଜୀ ଅନ୍ୟ କଳାକାର ଭାବେ ଅଭିନୟ କରିଛନ୍ତି ।
- " class="align-text-top noRightClick twitterSection" data="">
ବ୍ୟୁରୋ ରିପୋର୍ଟ, ଇଟିଭି ଭାରତ
