ମୁମ୍ବାଇ: ମହାରାଷ୍ଟ୍ର ଗୋରେଗାଓଁର ବିଗ ବସ୍ ଫିଲ୍ମ ସିଟିରେ ଅଗ୍ନିକାଣ୍ଡ । ଶନିବାର ପ୍ରାୟ ଅପରାହ୍ନ ୧ଟାରେ ଏହି ଅଗ୍ନିକାଣ୍ଡ ଘଟିଛି । ସେଟ୍ରେ ନିଆଁ ଲାଗିବା ପରେ ପ୍ରାୟ ୪ଟି ନିଆଁଲିଭା ଗାଡ଼ି ନିଆଁକୁ ଆୟତ୍ତ କରିଥିଲା । ଏହି ଦୁର୍ଘଟଣାରେ କାହାର କୌଣସି କ୍ଷତି ହୋଇନଥିବା ବ୍ରିହାନମୁମ୍ବାଇ ମହାନଗର ନିଗମ(BMC) ପକ୍ଷରୁ ସୂଚନା ଦିଆଯାଇଛି ।
ନିଆଁ ଲାଗିବା ସମୟରେ ସେଟ୍ ମଧ୍ୟରେ କେହିନଥିବା ଜଣାପଡ଼ିଛି । ବିଗ ବସ-୧୫ କିଛି ତଳେ ଶେଷ ହୋଇଥିବାରୁ ସେଟ ଖାଲି ରହିଥିଲା । ତେବେ ସୂଚନା ଥାଉ କି ଶେଷ ସିଜନ ବିଗ ବସ-୧୫କୁ ବଲିଉଡ଼ ସୁପରଷ୍ଟାର ସଲମାନ ଖାନ ହୋଷ୍ଟ କରିଥିଲେ । ଗତ ଜାନୁଆରୀ ୩୦ ତାରିଖରେ ଏହାର ଶେଷ ଏପିସୋଡ଼ ରହିଥିଲା ।
ଏହି ସିଜନ ବିଜୟିନୀ ହୋଇଛନ୍ତି ଟେଲି ଅଭିନେତ୍ରୀ ତେଜସ୍ବୀ ପ୍ରକାଶ । ବିଗ ବସ ଟ୍ରଫି ସହିତ ସେ ୪୦ ଲକ୍ଷ ଟଙ୍କା ଘରକୁ ନେଇ ଯାଇଛନ୍ତି । ସେପଟେ ପ୍ରଥମ ରନର୍ସ-ଅପ ହୋଇଛନ୍ତି ପ୍ରତୀକ ସେହଜପାଲ ହୋଇଥିବା ବେଳେ ତୃତୀୟ ହୋଇଛନ୍ତି ତେଜସ୍ବୀଙ୍କ ବଏଫ୍ରେଣ୍ଡ କରନ କୁନ୍ଦ୍ରା ।
ବ୍ୟୁରୋ ରିପୋର୍ଟ, ଇଟିଭି ଭାରତ
