ମୁମ୍ବାଇ: ‘ଗଲିବୟ’ ହିଟ ଯୋଡି ଆଲିୟା ଭଟ୍ଟ ଓ ରଣବୀର ସିଂଙ୍କ ଫ୍ୟାନ୍ସ ପାଇଁ ସାମ୍ନାକୁ ଆସିଲା ଗୁଡନ୍ୟୁଜ । ଯାହାକୁ ଶୁଣି ସମସ୍ତେ ଖୁସି ହୋଇଯିବେ । କାରଣ ପୁଣିଥରେ ଦୁଇଜଣଙ୍କ କେମେଷ୍ଟ୍ରି ପରଦାରେ ଦେଖିବାକୁ ମିଳିବ । ଆଉ ଏକ ଫିଲ୍ମରେ ଏକାଠି ନଜର ଆସିବେ ଏହି ଯୋଡି । ଆଜ୍ଞା ହଁ, ନିର୍ମାତା କରନ ଜୋହରଙ୍କ ଆଗାମୀ ରୋମାଣ୍ଟିକ ଡ୍ରାମା ଫିଲ୍ମ ପାଇଁ ସାଇନ କରିସାରିଛନ୍ତି ଆଲିୟା ଓ ରଣବୀର ବୋଲି ଚର୍ଚ୍ଚା ଧରିଛି ।
ସେହିପରି ଫିଲ୍ମର ଟାଇଟେଲ ‘ପ୍ରେମ କାହାନୀ’ ରଖାଯାଇଛି । ଆଉ ପ୍ରି-ପ୍ରଡକ୍ସନ କାମ ମଧ୍ୟ ଆରମ୍ଭ କରିଦେଇଛନ୍ତି ମେକର୍ସ । ଆଉ ଖୁବଶୀଘ୍ର ସୁଟିଂ ଆରମ୍ଭ ହେବାକୁ ଯାଉଛି । ଯାହା ପୂର୍ବରୁ ପୁରା ଟିମକୁ ଭ୍ୟାକ୍ସିନ ଦିଆଯିବ ।
ପ୍ରକାଶ ଥାଉକି ରଣବୀର ବର୍ତ୍ତମାନ ନିଜର ସ୍ପୋର୍ଟ୍ସ ଡ୍ରାମା ଫିଲ୍ମ ‘83’କୁ ନେଇ ଚର୍ଚ୍ଚାରେ ଥିବା ବେଳେ ଆଲିୟା ବାସ୍ତବ କାହାଣୀ ଆଧାରିତ ଫିଲ୍ମ ‘ଗଙ୍ଗୁବାଇ କାଥିଆୱାଡି’ରେ ନଜର ଆସିବେ । ଏହାବ୍ୟତୀତ ଅଭିନେତ୍ରୀ ‘ତଖ୍ତ’, ‘ବ୍ରହ୍ମାସ୍ତ୍ର’, ‘RRR’ରେ ମଧ୍ୟ ନଜର ଆସିବେ ।
