ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ ଧିରେ ଧିରେ ଫସୁଥିବାର ଦେଖି ଅଭିନେତା ସୁରଜ ପଞ୍ଚୋଲୀ ମିଡିଆ ବିରୋଧ କରିଛନ୍ତି । ସେ ମୁମ୍ବାଇର ୱର୍ସୋୱା ପୋଲିସ ଷ୍ଟେସନରେ ଏକ ଅଭିଯୋଗ ରୁଜୁ କରିଛନ୍ତି । ଯେଉଁଥିରେ କୁହାଯାଇଛି ଯେ ମିଡିଆ ତରଫରୁ ସୁଶାନ୍ତଙ୍କ ମାମଲାରେ କାର୍ଯ୍ୟାନୁଷ୍ଠାନର କଭରେଜ ତାଙ୍କୁ ମାନସିକ ସ୍ତରରେ ହଇରାଣ କରୁଛି।
ଏହି ଅଭିଯୋଗରେ ସେ କିଛି ମିଡିଆ ହାଉସ, ୟୁଟ୍ୟୁବ ଚ୍ୟାନେଲ ଓ କିଛି ଲୋକଙ୍କ ମଧ୍ୟ ନାମ ଦେଇଛନ୍ତି । ପ୍ରକାଶ ଥାଉକି ସୁଶାନ୍ତଙ୍କ ଆତ୍ମହତ୍ୟା ପରଠୁ ସୁରଜଙ୍କୁ ଟାର୍ଗେଟ କରିଆସୁଛନ୍ତି ସମସ୍ତେ ।
ସୁଶାନ୍ତଙ୍କ ଏକ୍ସ ମ୍ୟାନେଜର ଦିଶା ସାଲିଆନଙ୍କ ଆତ୍ମହତ୍ୟାରେ ସୁରଜଙ୍କ ହାତ ଥିବାର ଚର୍ଚ୍ଚା ଜୋର ଧରିଛି । ସେହିପରି ଦିଶାଙ୍କ ଆତ୍ମହତ୍ୟା ସହ ସୁଶାନ୍ତଙ୍କ ଆତ୍ମହତ୍ୟାର କନେକ୍ସନ ଅଛି ବୋଲି କୁହାଯାଉଛି । କାରଣ ଦିଶାଙ୍କ ସହ ରିଲେସନଶିପରେ ଥିଲେ ସୁରଜ।
ହେଲେ ନିକଟରେ ଏହି କଥାକୁ ଖଣ୍ଡନ କରିଥିଲେ ସେ । ଆଉ କହିଥିଲେ ଦିଶାଙ୍କ ସହ କେବେ ମଧ୍ୟ ସାକ୍ଷାତ କରିନାହିଁନ୍ତି । ମିଡିଆ ତାଙ୍କ ଉପରେ ମିଥ୍ୟ ଅଭିଯୋଗ ଲଗାଉଛି । ତାଙ୍କ ପ୍ରତିଛବିକୁ ଖରାପ କରିବାକୁ ଏପରି ନ୍ୟୁଜ ପ୍ରସାରିତ କରୁଛି ମିଡିଆ।
