ମୁମ୍ବାଇ: ଚର୍ଚ୍ଚାରେ ଦଙ୍ଗଲ ଗାର୍ଲ ଫାତିମା ସନା ସେଖ । ଏବେ ତାଙ୍କୁ ନେଇ ନୂଆ ଚର୍ଚ୍ଚା । ଯାହାଶୁଣି ସମସ୍ତେ ଆଶ୍ଚର୍ଯ୍ୟ । କିଛି ଦିନ ହେବ ଚର୍ଚ୍ଚା ଜୋର ଧରିଛି ଯେ ସେ ନିଜ କୋ-ଷ୍ଟାର ତଥା ଫେମସ ଅଭିନେତ୍ରୀ ସନୟା ମଲହୋତ୍ରାଙ୍କୁ ଡେଟ କରୁଥିବାର । ଏବେ ଏହି ମାମଲାରେ ତାଙ୍କ ପ୍ରତିକ୍ରିୟା ସାମ୍ନାକୁ ଆସିଛି ।
ନିକଟରେ ଏହି ମାମଲା ଉପରେ ସେ ଆଲୋଚନା କରି ଏକ ସାକ୍ଷାତକାରରେ କହିଥିଲେ ଏହି ଭଳି ଖବରରେ ସେ ଦୁଇଜଣ ଖୁବ୍ ହସୁଛନ୍ତି । ଦୁଇଜଣ ଭଲ ବନ୍ଧୁ ବୋଲି ଲୋକେ ଏପରି ମିଥ୍ୟା ଚର୍ଚ୍ଚା କରିବାରେ ଲାଗିଛନ୍ତି । ଯେଉଁଥିରେ ତାଙ୍କୁ କୌଣସି ପ୍ରଭାବ ପଡୁନାହିଁ ।
ସେହିପରି ସେ ସନୟାଙ୍କଠୁ ଶିଖିଥିବା ତିନୋଟି ଶିକ୍ଷା ବିଷୟରେ କହିଥିଲେ ଯେ ସେ ତାଙ୍କଠୁ ବହୁତ କିଛି ଶିଖିଛନ୍ତି । ସେ ସବୁବେଳେ ଠିକ୍ କଥା କୁହନ୍ତି । ସନୟା ଜଣେ ଅନ୍ତର୍ମୁଖୀ ଝିଅ ହୋଇଥିବା ବେଳେ ସେ ଜଣେ ବହିର୍ମୁଖୀ ଝିଅ । ହେଲେ ତାଙ୍କଠୁ ନିଜ ଉପରେ କଣ୍ଟ୍ରୋଲ କରିବା ଗୁଣ ଶିଖିଛନ୍ତି । କାମ ପ୍ରତି ତାଙ୍କ ଉତ୍ସାହିତରୁ ମଧ୍ୟ ଅନେକ ଜିନିଷ ସେ ଶିଖିଛନ୍ତି ।
ନିଜ ଧର୍ମର ଏବଂ ଲାଳନପାଳନ ବିଷୟରେ ମଧ୍ୟ ସେ ଆଲୋଚନା କରିଥିଲେ । ଆଉ କହିଥିଲେ, ‘ଧର୍ମନିରପେକ୍ଷ ଭାରତ ପାଇଁ ଆଦର୍ଶ ଝିଅ ଭଳି ମୁଁ ଅନୁଭବ କରୁଛି । ଆମ ଦେଶର ସୌନ୍ଦର୍ଯ୍ୟ ହେଉଛି ଯେ ନିଜ ପରି ରହି ନିଜ ଧର୍ମକୁ ସମ୍ମାନ ଦେଇ ସମସ୍ତଙ୍କୁ ଗ୍ରହଣ କରି ପାରୁଛେ ।’
