ମୁମ୍ବାଇ: ଦ୍ବିତୀୟ ଲହରରୁ ନିସ୍ତାର ମିଳୁଛି । ସବୁ କିଛି ସ୍ବାଭାବିକ ହେଉଛି । କିଛି ଦିନର ବ୍ରେକ ପରେ ପୁଣି ଷ୍ଟାରଙ୍କ ପାଖକୁ ଫେରିଛି କୋରୋନା । ଫିଲ୍ମ ମେକର ତଥା ଡ୍ୟାନ୍ସ କୋରିଓଗ୍ରାଫର ଫରାହ ଖାନ କୋରୋନା ସଂକ୍ରମିତ ହୋଇଛନ୍ତି । ବଡ କଥା ହେଉଛି ଭ୍ୟାକ୍ସିନ ନେବା ପରେ ବି ସେ କୋରୋନା ପଜିଟିଭ ହୋଇଛନ୍ତି ।
ଗତକାଲି(ବୁଧବାର) କୋରୋନା ଭୂତାଣୁରେ ସଂକ୍ରମିତ ହୋଇଥିବା ନେଇ ଇନଷ୍ଟାଗ୍ରାମରେ ସୂଚନା ଦେଇଛନ୍ତି ଫରାହ । ଦୁଇ ଡୋଜ ଟିକା ନେଇଥିବା ସମସ୍ତଙ୍କ ସହିତ କାମ କରିବା ପରେ ବି ସେ ସଂକ୍ରମିତ ହୋଇଛନ୍ତି । ଫରାହ ମଧ୍ୟ ଦୁଇ ଡୋଜ ଟିକା ନେଇ ସାରିଛନ୍ତି । ଟିକା ନେବା ପରେ ବି କୋରୋନାରେ ସଂକ୍ରମତି ହେବା ଫରାହଙ୍କୁ ଆଶ୍ଚର୍ଯ୍ୟ କରିଛି । ତାଙ୍କ ସଂସ୍ପର୍ଶରେ ଆସିଥିବା ସମସ୍ତଙ୍କୁ ପରୀକ୍ଷା କରିବାକୁ କହିଛନ୍ତି ସେ ।
ବର୍ତ୍ତମାନ ଫରାହ 'ଜୀ କମେଡି ଶୋ’ର ସୁଟିଂରେ ବ୍ୟସ୍ତ ଅଛନ୍ତି । ଯେଉଁଥିଲେ ସେ ବିଚାରପତି ଭାବରେ ନଜର ଆସିବେ । ସେ ସୁସ୍ଥ ନ ହେବା ପର୍ଯ୍ୟନ୍ତ ତାଙ୍କ ସ୍ଥାନରେ ଗାୟକ ମିକା ସିଂ ଦାୟିତ୍ବ ଗ୍ରହଣ କରିବେ । ଏହାଛଡା ଫାରା ନିକଟରେ ସୁପର ଡ୍ୟାନ୍ସର-୪ରେ ଅତିଥି ଭାବରେ ନଜର ଆସିଥିଲେ । KBC ସିଜିନ ୧୩ରେ ଶୁକ୍ରବାର ସ୍ବତନ୍ତ୍ର ଏପିସୋଡ ପାଇଁ ଫରାହ ସୁଟିଂ କରିଥିବା ଜଣାପଡିଛି ।
@ANI
