ମୁମ୍ବାଇ: ବଲିଉଡର ଏଭରଗ୍ରୀନ ଆକ୍ଟର ଧର୍ମେନ୍ଦ୍ର ଓ ଡ୍ରିମଗର୍ଲ ହେମା ମାଳିନୀଙ୍କ ବିବାହକୁ ଶନିବାର 38 ବର୍ଷ ପୁରିଛି । ଏହି ଅବସରରେ ଏଭରଗ୍ରୀନ କପୁଲଙ୍କୁ ତାଙ୍କ ଫ୍ୟାନ୍ସ ଶୁଭେଚ୍ଛା ଜଣାଇଛନ୍ତି । ଏଥିପାଇଁ ସେମାନଙ୍କୁ ଶୋଲେର ଭୀରୁ-ବସନ୍ତୀ ଧନ୍ୟବାଦ ଦେଇଛନ୍ତି ।
ଏନେଇ ବିଜେପି ସାଂସଦ ତଥା 80 ଦଶକର ଷ୍ଟାର ହିରୋଇନ ହେମା ନିଜ ଟ୍ବିଟରରେ ଟ୍ବିଟ କରିଛନ୍ତି । ସେ ଲେଖିଛନ୍ତି ସମସ୍ତ ଶୁଭେଚ୍ଛୁ ଓ ପ୍ରଶଂସକଙ୍କୁ ଧରମଜୀ ଏବଂ ମୋ ତରଫରୁ ଅନେକ ଧନ୍ୟବାଦ । ଆପଣମାନଙ୍କ ଭଲ ପାଇବା ଓ ଆଶୀର୍ବାଦ ଯୋଗୁଁ ଏତେ ବର୍ଷ ଆମେ ଏକାଠି ଅଛୁ । ସବୁବେଳେ ଏମିତି ଭଲ ପାଇବା ଜାରି ରଖିଥାଆନ୍ତୁ ବୋଲି ସେ କହିଥିଲେ ।
- " class="align-text-top noRightClick twitterSection" data="
">
ପୂର୍ବରୁ ଝିଅ ଇଶା ଦେଓଲ ନିଜ ଇନଷ୍ଟାଗ୍ରାମରେ ବାପା ମାଆଙ୍କ 38 ବର୍ଷର ଯାତ୍ରାକୁ ପ୍ରଶଂସା କରିବା ସହ ଉଭୟଙ୍କ ପ୍ରତି ନିଜ ଭଲ ପାଇବା ଜାହିର କରିଥିଲେ । ଏହି ପୋଷ୍ଟ ଏକ ଘଣ୍ଟାରେ 18 ହଜାରରୁ ଅଧିକ ଲାଇକ ପାଇଥିଲା । ଏଥିରେ ଅନେକ ବଲିଉଡ ଷ୍ଟାର ମଧ୍ୟ ଶୁଭେଚ୍ଛା ଜଣାଇଥିଲେ । ଉଲ୍ଲେଖଯୋଗ୍ୟ ଯେ ଶୋଲେ ଫିଲ୍ମରେ ଭୀରୁ-ବସନ୍ତୀ ଯୋଡି ଖୁବ ଲୋକପ୍ରିୟ ହୋଇଥିଲା । ଏହାପରେ ହେମା ମାଳିନୀଙ୍କ ପାଇଁ ପାଗଳ ହୋଇଥିଲେ ଧର୍ମେନ୍ଦ୍ର । ବିବାହିତ ଥିବା ସତ୍ତ୍ବେ ସେ ହେମାଙ୍କୁ ବାରମ୍ବାର ପ୍ରପୋଜ କରିଥିଲେ । ଶେଷରେ 1982ରେ ଉଭୟଙ୍କ ବିବାହ ହୋଇଥିଲା ।
ଏହି ଅବସରରେ ଝିଅ ଇଶା ତାଙ୍କ ଇନଷ୍ଟାଗ୍ରାମରେ ଧର୍ମେନ୍ଦ୍ର ଏବଂ ହେମାଙ୍କ ପୁରୁଣା ଫଟୋଗୁଡ଼ିକର ଏକ ସିରିଜ ସେୟାର କରିଛନ୍ତି । ଏହି ଫଟୋ ଗୁଡ଼ିକର କ୍ୟାପସନରେ ଇଶା ଲେଖିଛନ୍ତି ଯେ, ମୋର ପ୍ରିୟ ପିତାମାତାଙ୍କୁ ବିବାହ ବାର୍ଷିକୀର ଶୁଭେଚ୍ଛା । ମୋର ମାମା ଏବଂ ପାପା, ମୁଁ ତୁମକୁ ବହୁତ ଭଲ ପାଏ ଏବଂ ମୁଁ ଭଗବାନଙ୍କୁ ପ୍ରାର୍ଥନା କରୁଛି ଯେ ଦୁହେଁ ସବୁବେଳେ ଭଲପାଇବା, ଖୁସି ଏବଂ ସ୍ୱାସ୍ଥ୍ୟବାନ ରୁହ । @ dreamgirlhemamalini @ apkadharaam Love You, Isha, India, Radhya and Meu ।
ଏହି ସମୟରେ ହେମା ମାଲିନି ଟ୍ୱିଟରରେ ପ୍ରଶଂସକମାନଙ୍କୁ ସେମାନଙ୍କର ଶୁଭେଚ୍ଛା ପାଇଁ ଧନ୍ୟବାଦ ଜଣାଇଛନ୍ତି । ହେମା ମାଲିନି ତାଙ୍କ ସହ ଧର୍ମେନ୍ଦ୍ରଙ୍କ ଏକ ଫଟୋ ପୋଷ୍ଟ କରି ଏକ ଟୁଇଟରେ ଲେଖିଛନ୍ତି ଯେ, ଧରମ ଜୀ ଏବଂ ଆମ ସମସ୍ତଙ୍କୁ ଆମ ବିବାହ ବାର୍ଷିକୀରେ ଶୁଭେଚ୍ଛା ଜଣାଇଥିବାରୁ ମୁଁ ଆପଣମାନଙ୍କୁ ଧନ୍ୟବାଦ ଦେଉଛି । ତୁମମାନଙ୍କର ଆଶୀର୍ବାଦ ଏବଂ ଶୁଭେଚ୍ଛା ପାଇଁ ଆମେ ଏତେ ବର୍ଷ ଧରି ଏକାଠି ରହିଛୁ । ଧନ୍ୟବାଦ ।
ବ୍ୟୁରୋ ରିପୋର୍ଟ, ଇଟିଭି ଭାରତ
