ମୁମ୍ବାଇ: ଖୁବ ଶୀଘ୍ର ବିଗ-ବି ଅମିତାଭ ବଚ୍ଚନ ଓ ଇମରାନ ହାସମୀ ଏକାଠି ଫିଲ୍ମ 'ଚେହରା'ରେ ନଜର ଆସିବେ । ପ୍ରଥମଥର ଦର୍ଶକ ଏହି ଦୁଇ ଅଭିନେତାଙ୍କୁ ଏକାଠି ଦେଖିବାକୁ ଯାଉଛନ୍ତି । ବର୍ତ୍ତମାନ 'ଚେହରା'ର ସୁଟିଂ ଶେଷ କରିସାରିଛନ୍ତି ଏହି ଦୁଇ ଷ୍ଟାର । ଇତିମଧ୍ୟରେ ଫିଲ୍ମ ସେଟରୁ ଇମରାନଙ୍କ ଭିନ୍ନ ଲୁକ ସାମ୍ନାକୁ ଆସିଛି ।
ଯାହାକୁ ନିଜ ଇନଷ୍ଟାଗ୍ରାମରେ ଫ୍ୟାନ୍ସଙ୍କ ପାଇଁ ସେୟାର କରିଛନ୍ତି ଇମରାନ । ଏହାର କ୍ୟାପସନରେ ସେ ଲେଖକ ଓ ନିର୍ଦ୍ଦେଶକ ରୁମୀ ଜାଫରୀଙ୍କ ଲେଖା ଯାଇଥିବା କବିତାର ଦୁଇ ଲାଇନ ଲେଖିଛନ୍ତି ।
"ଲାକ୍ଷ ଲଗାଦେ ଜମାନା ଉଜାଲେଂ ପେ ପେହରେ, ସାମା ସେ ଭି ହୋତେ ହେଁ ରୋଶନ ଚେହରେ" ଏହି କବିତାଟି ଇମାରନଙ୍କ ଫଟୋରେ ଲେଖାଯାଇଥିବାର ଦେଖିବାକୁ ମିଳିଛି । ଏହାସହ ସେ ଫିଲ୍ମର ସୁଟିଂ ଶେଷ ହୋଇସାରିଛି ବୋଲି ଫ୍ୟାନ୍ସଙ୍କୁ ସୂଚନା ଦେଇଛନ୍ତି ।
ପ୍ରକାଶ ଥାଉକି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ରୁମୀ । ଅନ୍ୟପଟେ ଫିଲ୍ମର ନିର୍ମାଣ କାର୍ଯ୍ୟ ମୋଶନ ପିକ୍ଚର୍ସ ଏବଂ ସରସ୍ବତୀ ଏଣ୍ଟରଟେନମେଣ୍ଟ ମିଶି କରିଛନ୍ତି । ଫିଲ୍ମଟିକୁ ଆସନ୍ତା ବର୍ଷ ଫେବୃଆରୀ 21ରେ ରିଲିଜ କରିବାକୁ ଯୋଜନା କରିଛନ୍ତି ମେକର୍ସ । ଫିଲ୍ମରେ ଅନୁ କପୁର, ରଘୁବୀର ଯାଦବ ମଧ୍ୟ ଭୂମିକାରେ ଦେଖାଯିବେ ।
