ମୁମ୍ବାଇ: ନିକଟରେ ‘ଜଜମେଣ୍ଟାଲ ହେ କ୍ୟା’ ଓ ‘ଡ୍ରିମ ଗାର୍ଲ’ ଫିଲ୍ମ ଜରିଆରେ ବକ୍ସ ଅଫିସରେ ଚହଳ ସୃଷ୍ଟି କରିସାରିଥିବା ଫେମସ ନିର୍ମାତା ଏକତା କପୁର ଏବେ ପୁଣି ନୂଆ ବ୍ଲାଷ୍ଟ କରିବାକୁ ଯାଉଛନ୍ତି । ସେ ଦର୍ଶକଙ୍କ ମନୋରଞ୍ଜନ କରିବାକୁ ପ୍ରସ୍ତୁତ । ଆଜ୍ଞା ହଁ, ସେ ନିଜର ଆଗାମୀ ଫିଲ୍ମ ‘ପଗଲେଟ’ର ଘୋଷଣା କରି ଦର୍ଶକଙ୍କୁ ବଡ ସରପ୍ରାଇଜ ଦେଇଛନ୍ତି । ଏକତାଙ୍କ ଏହି ଫିଲ୍ମରେ ଅଭିନୟ କରିବେ ଦବଙ୍ଗ ଗାର୍ଲ ସନାୟା ମଲହୋତ୍ରା ।
ସେହିପରି ଏକତାଙ୍କ ‘ପଗଲେଟ’ ଫିଲ୍ମର ସହ-ନିର୍ମାତା ରୂପେ ଗୁନୀତ ମୋଙ୍ଗା କାମ କରିବେ । ଏହି ଫିଲ୍ମ ଘୋଷଣା କରି ଏକତା କହିଥିଲେ ଯେ ଗତ ବର୍ଷ ‘ପରିୟଡ: ଏଣ୍ଡ ଅଫ ସେଣ୍ଟେନ୍ସ’ ନିର୍ମାଣ ପାଇଁ ବେଷ୍ଟ ଡକ୍ୟୁମେଣ୍ଟ୍ରୀ ଶ୍ରେଣୀରେ ଓସ୍କାର ଜିତିଥିବା ମୋଙ୍ଗା ସବୁଠାରୁ ପ୍ରଶଂସା ଯୋଗ୍ୟ ।
ଗୁରୁବାର ଗୁନୀତଙ୍କ ଜନ୍ମଦିନ ଅବସରରେ ଏକତା ଫିଲ୍ମର ଘୋଷଣା କରିଥିଲେ । ଯେତେବେଳେ ସେ ‘ପଗଲେଟ’ ଫିଲ୍ମର କାହାଣୀ ଶୁଣିଥିଲେ ତାଙ୍କୁ ଲାଗିଲା କି ଗୁନୀତଙ୍କ ସହ କାମ କରିବା ଶାନଦାର ସାବ୍ୟସ୍ତ ହେବ ବୋଲି ମଧ୍ୟ କହିଥିଲେ ଏକତା ।
‘ପଗଲେଟ’ ଫିଲ୍ମକୁ ଏକତାଙ୍କ ପ୍ରଡକ୍ସନ ହାଉସ ବାଲାଜୀ ଟେଲିଫିଲ୍ମସ ଓ ଗୁନୀତଙ୍କ ଶିକ୍ଷ୍ୟା ଏଣ୍ଟରଟେନମେଣ୍ଟ ମିଶି ନିର୍ମାଣ କରିବ । ଅନ୍ୟପଟେ ଗୁନୀତ ଫିଲ୍ମକୁ ନେଇ କହିଥିଲେ ଯେ ଆମେ ‘ପଗଲେଟ’ ଭଳି ଏକ ମଜାଦାର କାହାଣୀ ପରଦାରେ ଦେଖାଇବା ପାଇଁ ଉତ୍ସାହିତ ଅଛୁ । ଯେଉଁଥିରେ ସନାୟା ଭଳି ଅଭିନେତ୍ରୀ ମୁଖ୍ୟ ଭୂମିକାରେ ଅଭିନୟ କରିବେ । ବାଲାଜୀ ଟେଲିଫିଲ୍ମସ ସହଯୋଗରେ ଏହାକୁ ନିର୍ମାଣ କରିବାକୁ ଯାଉଛୁ ।
ପ୍ରକାଶ ଥାଉକି ଜଣେ ଝିଅର କାହାଣୀର କାହାଣୀକୁ ନେଇ ଆଧାରିତ ‘ପଗଲେଟ’ । ଯିଏ ଭାରତର ଏକ ଛୋଟ ସହର ଲାଳିତପାଳିତ ହୋଇଥିବେ । ସେହି ଝିଅର ପ୍ରେମ କାହାଣୀ, ଜୀବନରେ ଉଦ୍ଦେଶ୍ୟ ଫିଲ୍ମରେ ପର୍ଯ୍ୟବେଶିତ କରାଯିବ ।
