ହାଇଦ୍ରାବାଦ: ଅକ୍ଷୟ କୁମାରଙ୍କ ଆଗାମୀ ଚଳଚ୍ଚିତ୍ର ସୂର୍ଯ୍ୟବଂଶୀର ରିଲିଜ ତାରିଖ ଗତମାସ ନିର୍ଦ୍ଦେଶକ ରୋହିତ ସେଟ୍ଟି ଘୋଷଣା କରିଛନ୍ତି । 2020 ଇଦରେ ଏହି ଫିଲ୍ମ ପରଦାକୁ ଆସିବ।ମୁଖ୍ୟତଃ ଇଦରେ ଭାଇଜାନ ବଜାର ଉପରେ ଛାଇଯାଇଥାନ୍ତି ।
ତେଣୁ ଏଥିପାଇଁ ଅକ୍ଷୟ ପ୍ରଥମରୁ ହିଁ ସଲମାନଙ୍କ ସହ କଥା ହୋଇଯାଇଥିଲେ ମାତ୍ର ପରେ ଜାଣିବାକୁ ମିଳିଲା ସଲମାନଙ୍କ ଆଗାମୀ ଚଳଚ୍ଚିତ୍ର ଇନସାଲ୍ହା ମଧ୍ୟ ଇଦରେ ଆସିବ। ଏହାର ନିର୍ଦ୍ଦେଶନା ଦେଉଛନ୍ତି ସଂଜୟ ଲୀଲା ଭଂସାଲି । ତେବେ ଆଗାମୀ ଇଦରେ ଜବରଦସ୍ତ ଲଢେଇ ହେବ ବୋଲି କହିଛନ୍ତି ସୂର୍ଯ୍ୟବଂଶୀର ଅଭିନେତ୍ରୀ କ୍ୟାଟ୍ରିନା କୈଫ । କ୍ୟାଟଙ୍କ କହିବା କଥା ସଲମାନ ଉଭୟ ଅକ୍ଷୟ ଓ ରୋହିତଙ୍କୁ ଭଲପାଆନ୍ତି ତେଣୁ ଉଭୟ ଫିଲ୍ମ ରିଲିଜ ପାଇଁ ସେ ସମର୍ଥନ ଦେଇପାରନ୍ତି ।
