ନୂଆଦିଲ୍ଲୀ: ବଲିଉଡ ସୁନ୍ଦରୀ ଦିୟା ମିର୍ଜା ନିକଟରେ ନିଜର ଆଗାମୀ ଡ୍ରାମା ୱେବ ସିରିଜ 'କାଫିର'ର ପ୍ରଥମ ସୁଟିଂ ଶେଷ କରିଛନ୍ତି । ଏହି ସିରିଜର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ସୋନମ ନାୟର । ତାଙ୍କ ସହ କାମ କରି ଦିୟା ବି ବେଶ ଖୁସି । ମହିଳା ନିର୍ଦ୍ଦେଶକଙ୍କ ସହ କାମ କରିବା ଅଧିକ ସହଜ, ସୁବିଧାଜନକ ହେବା ସହ ଲାଭାଦାୟକ ହୋଇଥିବା କହିଛନ୍ତି ଦିୟା । 'କାଫିର' ସୁଟିଂର ପ୍ରଥମ ସିଡ୍ୟୁଲ ହିମାଚଳ ପ୍ରଦେଶରେ ଶେଷ ହୋଇଛି ।
ଏକ ସାକ୍ଷାତକାରରେ ସେ କହିଛନ୍ତି ଯେ ପ୍ରଥମ ସିଡ୍ୟୁଲ ତାଙ୍କ ପାଇଁ ଶାନଦାର ରହିଥିଲା । ସେ ଭିନ୍ନ ଭିନ୍ନ ଲୋକଙ୍କ ସହ ସାକ୍ଷାତ କରିବା ସହ ଅନେକ କିଛି ଶିଖିବାର ସୁଯୋଗ ପାଇଥିଲେ ।
ପ୍ରକାଶ ଥାଉକି ଏହି ସିରିଜରେ ଦିୟାଙ୍କ ସହ ମୁଖ୍ୟ ଭୂମିକାରେ ନଜର ଆସିବେ ଅଭିନେତା ମୋହିତ ରାଣା । ଦିୟା ଶେଷଥର ଫିଲ୍ମ 'ସଞ୍ଜୁ'ରେ ଦମଦାର ଅଭିନୟ କରୁଥିବା ଦେଖାଯାଇଥିଲେ । ସୋନମଙ୍କ ଦ୍ବାରା ନିର୍ଦ୍ଦେଶିତ ଏବଂ ସିଦ୍ଧାର୍ଥ ମାଲୋହତ୍ରା ଦ୍ବାରା ନିର୍ମିତ 'କାଫିର' ଜି-5ରେ ପ୍ରସାରଣ ହେବ ।
