ମୁମ୍ବାଇ: ବଲିଉଡର ହଟ ଆଣ୍ଡ ସେକ୍ସୀ ଅଭିନେତ୍ରୀ ଦିଶା ପଟାନୀ ନିଜ ଆଗାମୀ ଫିଲ୍ମ ‘ମଲଙ୍ଗ’କୁ ନେଇ ଖୁବ୍ ଉତ୍ସାହିତ । ଏହି ମଲ୍ଟି ଷ୍ଟାରର ଫିଲ୍ମରେ ଆଦିତ୍ୟ ରାୟ କପୁର, ଅନିଲ କପୁର ଓ କୁନାଲ ଖେମୁ ଭଳି କଳାକାର ନଜର ଆସିବେ । ବର୍ତ୍ତମାନ ଫିଲ୍ମର ପ୍ରମୋଶନରେ ଖୁବ୍ ବ୍ୟସ୍ତ ଏହି ଷ୍ଟାରକାଷ୍ଟ । ଏହି ଫିଲ୍ମରେ ଦିଶା ପ୍ରଥମଥର ଆଦିତ୍ୟଙ୍କ ସହ ରୋମାନ୍ସ କରୁଥିବାର ନଜର ଆସିବେ । ସେପଟେ ଅନିଲଙ୍କ ସହ ସ୍କ୍ରିନ ସେୟାର କରିବାକୁ ନେଇ ଖୁବ୍ ଏକ୍ସାଇଟେଡ ସେ ।
ପିଲାବେଳେ ଅନିଲଙ୍କ ଅଭିନୀତ ଫିଲ୍ମ ‘ମିଷ୍ଟର ଇଣ୍ଡିଆ’ ଦେଖିଥିବା ସମୟରେ ସେ କେବେ ମଧ୍ୟ ଭାବିନଥିଲେ ଯେ ବାସ୍ତବ ଜୀବନରେ ସେ ତାଙ୍କ ସହ କାମ କରିବେ । ଆଉ ତାଙ୍କୁ ସାମ୍ନାରେ ଦେଖିପାରିବେ । ଏପରି କିଛି ନିକଟରେ କହିଛନ୍ତି ଦିଶା।
ସାକ୍ଷାତକାରରେ ସେ କହିଥିଲେ ଯେ ସେ ଖୁବ୍ ଆଶ୍ଚର୍ଯ୍ୟ ଅଛନ୍ତି, କାରଣ ତାଙ୍କୁ ମିଷ୍ଟର ଇଣ୍ଡିଆଙ୍କ ସହ କାମ କରିବାକୁ ସୁଯୋଗ ମିଳିଛି । ସେ ସେହି ଝିଅ ଥିଲେ ଯିଏ ‘ମିଷ୍ଟର ଇଣ୍ଡିଆ’ ଫିଲ୍ମରେ ଅନିଲକୁ ଦେଖି ଖୁବ୍ ଖୁସି ହୋଇଯାଇଥିଲେ । ଆଉ କେବେ ମଧ୍ୟ ଭାବିନଥିଲେ ତାଙ୍କ ସହ ସେ କାମ କରିବେ ।
ଆଜି ତାଙ୍କ ପାଖରେ ମିଷ୍ଟର ଇଣ୍ଡିଆ ବସିଛନ୍ତି । ଆଉ ଏତେ ବର୍ଷ ପରେ ମଧ୍ୟ ତାଙ୍କ ମିଷ୍ଟର ଇଣ୍ଡିଆ ପରଫେକ୍ଟ ଦେଖାଯାଉଛନ୍ତି । ପ୍ରକାଶ ଥାଉକି ମୋହିତ ସୁରୀଙ୍କ ଦ୍ବାରା ନିର୍ଦ୍ଦେଶିତ ‘ମଲଙ୍ଗ’ ଆସନ୍ତା ଫେବୃଆରୀ 14ରେ ରିଲିଜ ହେବାକୁ ଯାଉଛନ୍ତି । ନିକଟରେ ଫିଲ୍ମର ଦମଦାର ଟ୍ରେଲର ଆଉ ରୋମାଣ୍ଟିକ ଗୀତ ରିଲିଜ ହୋଇଯାଇଛି । ଯାହାକୁ ଖୁବ୍ ପସନ୍ଦ କରିଛନ୍ତି ଦର୍ଶକେ।
