ମୁମ୍ବାଇ: ଭାଲେଣ୍ଟାଇନ ଡେ’କୁ ନେଇ ଆଜି ସବୁ ମହଲରେ ସେଲିବ୍ରେଶନ ଦେଖିବାକୁ ମିଳୁଛି। ଏହି ଖାସ ଦିନରେ ନିଜ ନିଜ ପାର୍ଟନର ସ୍ପେଶାଲ ଫିଲ କରାଇବା ପାଇଁ ଗିଫ୍ଟ ମଧ୍ୟ ଦିଆଯାଏ । ପାର୍ଟନରକୁ ସରପ୍ରାଇଜ ଦେବା ସହ ସମୟ ମଧ୍ୟ ବିତାଇବାରେ ବ୍ୟସ୍ତ ପ୍ରେମୀଯୁଗଳ । ପ୍ରାୟତଃ କୁହାଯାଇଥାଏ ଯେ ଭାଲେଣ୍ଟାଇନ ଡେ’ ସବୁ କପଲଙ୍କ ପାଇଁ ଶାନଦାର ଦିନ ହୋଇଥାଏ। ବଲିଉଡରେ ମଧ୍ୟ ଏହି ଦିନର କ୍ରେଜ ଷ୍ଟାର୍ସଙ୍କ ମଧ୍ୟରେ ଦେଖିବାକୁ ମିଳୁଛି।
- " class="align-text-top noRightClick twitterSection" data="
">
ଇତିମଧ୍ୟରେ ଆକ୍ସନ ହିରୋ ଟାଇଗର ଶ୍ରଫଙ୍କ କଥିତ ଗାର୍ଲଫ୍ରେଣ୍ଡ ତଥା ଅଭିନେତ୍ରୀ ଦିଶା ପଟାନୀ ସମସ୍ତଙ୍କୁ ଭାଲେଣ୍ଟାଇନ ୱିଶ କରିଛନ୍ତି। ଖାଲି ଏତିକି ନୁହେଁ ସେ ଏକ ଫଟୋ ସେୟାର କରି ସମସ୍ତଙ୍କୁ ଜଣାଇଛନ୍ତି ସେ କାହା ସହ ଭାଲେଣ୍ଟାଇନ ଡେ’ ସେଲିବ୍ରେଶନ କରୁଛନ୍ତି।
ଆଜ୍ଞା ହଁ, ଏଥର ସେ ଟାଇଗରଙ୍କ ସହ ନୁହେଁ ବରଂ ‘ମଲଙ୍ଗ’ ଟିମ ସହ ଭାଲେଣ୍ଟାଇନ ଡେ ସେଲିବ୍ରେଶନ କରିଛନ୍ତି । ‘ମଲଙ୍ଗ’ ଟିମ ସହ ଫଟୋ ସେୟାର କରିଛନ୍ତି ଦିଶା। ଫଟୋରେ ତାଙ୍କ ସହ ଫିଲ୍ମ ନିର୍ଦ୍ଦେଶକ ମୋହିତ ସୁରୀ, ଅନିଲ କପୁର, କୁନାଲ ଖେମୁ, ଆଦିତ୍ୟ ରାୟ କପୁର, ଅମୃତା ଖାନ ୱିଲକର ନଜର ଆସୁଛନ୍ତି । ଏହାର କ୍ୟାପସନରେ ସେ ଲେଖିଛନ୍ତି, ‘ଭାଲେଣ୍ଟାଇନ ଡେ ମୋର କିଛି ପସନ୍ଦୀୟ ଲୋକଙ୍କ ସହ।’
ପ୍ରକାଶ ଥାଇକି ନିକଟରେ ରିଲିଜ ହୋଇଥିବା ମଲ୍ଟି ଷ୍ଟାରର ‘ମଲଙ୍ଗ’ ବକ୍ସ ଅଫିସରେ ଶାନଦାର କଲେକ୍ସନ କରି ହିଟ୍ ସାବ୍ୟସ୍ତ ହୋଇଛି । ଆଦିତ୍ୟଙ୍କ କ୍ୟାରିୟର ଏହି ଫିଲ୍ମ ସବୁଠାରୁ ବଡ ହିଟ୍ ସାଜିଛି ।
