ମୁମ୍ବାଇ: ‘ଦଶହରା’, ‘ଜିନା ହେ ତୋ ଠୋକ ଡାଲ’ ଓ ‘ସ୍କଟଲ୍ୟାଣ୍ଡ’ ଭଳି ଫିଲ୍ମର ନିର୍ଦ୍ଦେଶନା କରିସାରିଥିବା ଫେମସ ନିର୍ଦ୍ଦେଶକ ମନୀଷ ବାଶ୍ଚଲ୍ୟଙ୍କୁ ନେଇ ନୂଆ ଚର୍ଚ୍ଚା । ସେ ଖୁବଶୀଘ୍ର ବାସ୍ତବ କାହାଣୀକୁ ନେଇ ନିଜ ଆଗାମୀ ୱେବ ସିରିଜ ନିର୍ଦ୍ଦେଶିତ କରିବାକୁ ଯାଉଛନ୍ତି । ସେ ଉତ୍ତରପ୍ରଦେଶର କୁଖ୍ୟାତ ଅପରାଧୀ ବିକାଶ ଦୁବେ ଉପରେ ୱେବ ସିରିଜ କରିବାର ଯୋଜନା କରିଛନ୍ତି।
ଏହି କଥାର ଖୁଲାସା ସେ ଏକ ସାକ୍ଷାତକାରରେ କରିଥିଲେ । ଆଉ କହିଥିଲେ ବିକାଶ ଦୁବେ ଉପରେ ସେ ୱେବ ସିରିଜ କରିବେ। ହେଲେ ଏଯାବତ ସେ କେଉଁ ଷ୍ଟାର୍ସଙ୍କୁ ଏଥିରେ କାଷ୍ଟ କରିବେ ଚୟନ କରିନାହାଁନ୍ତି । ଖାଲି ଏତିକି ନୁହେଁ ସେ ଏହି ୱେବ ସିରିଜ କେଉଁ ଓଟିଟି ପ୍ଲାଟଫର୍ମରେ ରିଲିଜ କରିବେ ତାହା ମଧ୍ୟ ଠିକ୍ ସ୍ଥିର କରିନାହାଁନ୍ତି।
ସେ ବିକାଶ ଦୁବେକୁ ପ୍ରଥମଥର ଟିଭିରେ ଦେଖିଥିଲେ । ଯାହାପରେ ସେ ତାଙ୍କ ବିଷୟରେ ସୂଚନା ଏକଜୁଟ କରିଥିଲେ । ଏହା ଜଣାପଡିବା ପରେ ତାଙ୍କ ପାଖକୁ ଅନେକ ନିର୍ମାତାଙ୍କ ଫୋନ ଆସିବା ଆରମ୍ଭ ହୋଇଥିଲା । କାରଣ ନିର୍ମାତାଙ୍କୁ କେହି ସୂଚନା ଦେଇଛନ୍ତି ଯେ ସେ ବିକାଶ ଉପରେ ୱେବ ସିରିଜ ନିର୍ଦ୍ଦେଶକ କରିବାକୁ ଯୋଜନା କରୁଛନ୍ତି ବୋଲି ସାକ୍ଷାତକାରରେ କହିଥିଲେ ମନୀଷ ।
ପ୍ରକାଶ ଥାଉକି ସିରିଜର ଟାଇଟେଲ ସେ ‘ହନକ’ ରଖିଛନ୍ତି । ଯାହାର କାହାଣୀ ମୃଦୁଲ କପିଲ ଓ ସୁବୋଧ ପାଣ୍ଡେ ଲେଖିଛନ୍ତି ।
