ନୂଆଦିଲ୍ଲୀ: ବଲିଉଡ ଅଭିନେତ୍ରୀ ଦିଆ ମିର୍ଜା ଖୁବ୍ ଶୀଘ୍ର ମା' ହେବାକୁ ଯାଉଛନ୍ତି । ଏଥିପାଇଁ ସେ ବହୁତ ଉତ୍ସାହିତ ଅଛନ୍ତି । ଯାହାକୁ ନେଇ ଆଜିକାଲି ସେ ତାଙ୍କ ସ୍ବାସ୍ଥ୍ୟର ବିଶେଷ ଯତ୍ନ ନେଉଛନ୍ତି ।
ନିକଟରେ ଦିଆ ତାଙ୍କର ଏକ ଫଟୋ ସହିତ ନିଜର ଗର୍ଭଧାରଣ ବିଷୟରେ ଘୋଷଣା କରିଥିଲେ । ଏହି ଖବର ଶୁଣିବା ମାତ୍ରେ ତାରକା ଏବଂ ପ୍ରଶଂସକମାନେ ତାଙ୍କୁ ବହୁ ଅଭିନନ୍ଦନ ଜଣାଇଥିଲେ ।
ଏହି ସମୟରେ ଦିଆ ମୁମ୍ବାଇର ଏକ କ୍ଲିନିକ ବାହାରେ ନଜର ଆସିଛନ୍ତି । ଯାହାର କିଛି ଫଟୋ ଏବଂ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି ।
ଏହି ଫଟୋଗୁଡ଼ିକରେ, ଆପଣ ଦେଖିପାରିବେ ଯେ, ଦିଆ ଗ୍ରେ ସର୍ଟ କୁର୍ତ୍ତୀ ଏବଂ କଳା ଲେଗିଙ୍ଗ୍ସ ସହ ଧଳା ରଙ୍ଗର ମାସ୍କ ପିନ୍ଧିଥିଲେ । ଏଥିସହିତ, ଫଟୋରେ ଦିଆଙ୍କ ବେବି ବମ୍ପ ମଧ୍ୟ ସ୍ପଷ୍ଟ ଭାବରେ ଦେଖିବାକୁ ମିଳିଛି ।
ପ୍ରକାଶ ଥାଉ ଯେ, ବୈଭବଙ୍କ ପୂର୍ବରୁ ଦିଆ ସାହିଲ ସଙ୍ଘାଙ୍କ ସହ ବିବାହ କରିଥିଲେ । କିନ୍ତୁ 11 ବର୍ଷ ପରେ ଦୁହେଁ ପରସ୍ପର ଠାରୁ ଅଲଗା ହେବାକୁ ନିଷ୍ପତ୍ତି ନେଇଥିଲେ। 2019ରେ ସୋସିଆଲ ମିଡିଆରେ ଦିଆ ସାହିଲଙ୍କ ଠାରୁ ଅଲଗା ହେବା ନେଇ ଘୋଷଣା କରିଥିଲେ ।
