ହାଇଦ୍ରାବାଦ: ଆଲିଆ ଭଟ୍ଟଙ୍କ ଆଗାମୀ ଚଳଚ୍ଚିତ୍ର ଗଙ୍ଗୁବାଇ କାଠିଆୱାଡିର ଟ୍ରେଲର ଆସିବା ମାତ୍ରେ ହିଁ ଧମାଲ ମଚାଇଥିଲା । ଟ୍ରେଲରରେ ଆଲିଆଙ୍କ ଲୁକ୍ ଏବଂ ଅଭିନୟ ଲୋକମାନଙ୍କ ପାଇଁ ଫିଲ୍ମ ଦେଖିବା ପାଇଁ ଉତ୍ସାହ ଭରିଦେଇଥିଲା । ଫେବୃଆରୀ 10ରେ ଫିଲ୍ମ ଗଙ୍ଗୁବାଇ କାଠିଆୱାଡିର ପ୍ରଥମ ଗୀତ 'Dholida' ରିଲିଜ ହୋଇଛି । ଏହି ଗୀତରେ ଆଲିଆ ଭଟ୍ଟଙ୍କ ଗରବା କରୁଥିବା ଦେଖିବାକୁ ମିଳୁଛି । ଏହାପୂର୍ବରୁ ଫେବୃଆରୀ 9ରେ ଗୀତର ଟିଜର ଆଉଟ ହୋଇଥିଲା।
- " class="align-text-top noRightClick twitterSection" data="">
ଆଲିଆ ଭଟ୍ଟ ବୁଧବାର ନିଜ ଇନଷ୍ଟାଗ୍ରାମ ଆକାଉଣ୍ଟରେ ଗଙ୍ଗୁବାଇ କାଠିଆୱାଡି ଚଳଚ୍ଚିତ୍ରର ପ୍ରଥମ ଗୀତର 'Dholida'ର ଟିଜର ସେୟାର କରିଛନ୍ତି। ଏହି ଗୀତଟି ଗୁରୁବାର (ଫେବୃଆରୀ 10) ରିଲିଜ୍ ହେବ ବୋଲି ପୋଷ୍ଟର କ୍ୟାପସନରେ ଆଲିଆ କହିଥିଲେ। ଏହା ସହିତ ଫିଲ୍ମର ରିଲିଜ୍ ତାରିଖ ମଧ୍ୟ କୁହାଯାଇଛି । ଏହି ଗୀତର ଲିରିକ୍ସ କୁମାର ଲେଖିଛନ୍ତି ଏବଂ ଏହି ଗୀତଟି ଜାନଭୀ ଶ୍ରୀମଙ୍କର ଏବଂ ଶେଲ ହାଡା ଗାଇଛନ୍ତି । କ୍ରିତି ମହେଶ ଏହି ଗୀତର କୋରିଓଗ୍ରାଫି କରିଛନ୍ତି । ଏହି ଚଳଚ୍ଚିତ୍ରର ସଙ୍ଗୀତ ସଞ୍ଜୟ ଲୀଲା ଭଂସାଲୀଙ୍କର ।
ଏହା ବି ପଢନ୍ତୁ: Gagngubai Kathiawadi Trailer Release: ଆଲିଆଙ୍କ ଜବରଦସ୍ତ ଅନ୍ଦାଜରେ ଦର୍ଶକ ଫିଦା
ଏହାପୂର୍ବରୁ ଫେବୃଆରୀ 4ରେ ସଞ୍ଜୟ ଲୀଲା ଭଂସାଲୀଙ୍କ ନିର୍ଦ୍ଦେଶିତ ଚଳଚ୍ଚିତ୍ର ଗଙ୍ଗୁବାଇ କାଠିଆୱାଡିର ଟ୍ରେଲର ମୁକ୍ତିଲାଭ କରିଥିଲା। ରିଲିଜ ହେବା ମାତ୍ରେ ଟ୍ରେଲର ଧୁମ ମଚାଇଥିଲେ। ଟ୍ରେଲରରେ ଆଲିଆ ଭଟ୍ଟ ସମସ୍ତ ସ୍ଥାନ ନେଇଥିବାବେଳେ ଏବଂ ଅଜୟ ଦେବଗନଙ୍କୁ ଗୋଟିଏ ସିନରେ ଦେଖିବାକୁ ମିଳିଥିଲା। ଟ୍ରେଲରକୁ ଗୋଟିଏ ଦିନରେ କୋଟି କୋଟି ଭ୍ୟୁ ମିଳିଛି । ଏତେ ଭଲ ପାଇବା ପାଇଁ ଆଲିଆ ପ୍ରଶଂସକମାନଙ୍କୁ ଧନ୍ୟବାଦ ଦେଇଥିଲେ । ଆଲିଆ ଏକ ଫଟୋ ମଧ୍ୟ ସେୟାର କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
